Быги гуртын ортчоз МАФУН-лэн правлениезлэн бадӟым кенешонэз

Удмурт Дунне
By Удмурт Дунне Май 26, 2014 15:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

82Шаркан ёросысь Быги гуртэ люкаськозы фин-угор егитъёслэн калыккуспо огазеяськонлэн (МАФУН) правленияз пырисьёс: 6-тӥ июньысен 8-тӥ июнёзь отын радъяськоз бадӟым кенешон.
Быги гурт юнме шорысь быръемын ӧй вал: МАФУН-лэн кичӧлтэмезъя ай миым гинэ та гуртэз пусйизы «Фин-угор дуннеысь культурая шоркар» нимен. Та огазеяськонлэн ёзчиосыз ас синмынызы чаклалозы: макем та ним тупа меда быгиослы? Финляндиысь, Венгриысь, Эстониысь, Германиысь, озьы ик Марий Эл, Коми, Ханты-Мансийск улосъёсысь вуэмъёс тодматскозы быгиослэн пӧртэм проектъёсынызы. Кылсярысь, вуылозы баба Лизалэн мастерскояз. Отын дышетскозы вӧй шуккыны, перепеч пыжыны, удмурт дэрем вурыны. Со сяна, куноос пыриськозы Быги гуртлэсь нуналзэ пусъёнэ но. Вуылозы Порозгуртэ — отын радъяськоз удмурт позыръяськон-шулдыръяськон.
Но ужрадлэн валтӥсь пуштросэз герӟаськемын луоз МАФУН огазеяськонлэсь ужамзэ дунъянэн-эскеронэн но азьланезлы ужрадъёсты чакланэн. Талы ик сӥземын луоз бадӟым кенешон. Со сяна, малпанзэс шараялозы ООН-лэн ортчем сессияз ичи лыдъем калыкъёслы сӥзем ужпумъёсты сэрттон-пертчон пумысен.
Та бадӟым кенешонэз радъянэ мылысь-кыдысь пырисько «Шунды» огазеяськонысь удмурт егитъёс, Ижысь Эшъяськон юрт но Нациосын ужан политикая министерство.

Елена Тугашова
Туспуктэм: vk.com/id10712133

Удмурт Дунне
By Удмурт Дунне Май 26, 2014 15:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<