Гороскоп (26-тӥ майысен 1-тӥ июнёзь)

Удмурт Дунне
By Удмурт Дунне Май 23, 2014 13:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

2426-тӥ куартолэзьысен 1-тӥ инвожоозь
Така.
Асьтэлы асьтэос ик ӧд люкетэ ке, тӥляд ваньмыз пӧрмоз. Удалтонлык котырады гожеръялоз быдэс арнязэ. Выль тодмоды азьланяз матысь эшлы яке гажан адямидылы пӧрмоз. Семьяен улӥсьёс, та нуналъёсы тӥледыз кузпалды шумпоттоз. Кусыпъёсты уката юнмалозы. Арнянуналэ куно пумитаны дасяське.
Ош.
Арняды ӟеч кутскоз. Нылпиосты шумпоттозы, ӵыжы-выжыосты адӟиськыны вуылозы. Уж дурады сак луэ. Кивалтӥсеныды эн даллаше, тушмонъёсты тӥлесьтыд сое гинэ витё. Арня пумын ваньмыз ас интыяз пуксёз.
Кыктоос.
Асьтэ кужымдылы, тодонлыктылы оскиськоды ке но, мукетъёслэсь визь-кенешсэс санэ басьтыны тырше. Арня шорын мылкыдды мӧзмылэс луылоз ке но. Арня пумын нош ик ваньзэ ас кияды басьтоды но шуг-секытъёсты, бадӟымесь ужъёсты вормоды.
Кисло-кусло.
Пӧртэм чыры-пырыос огинэ люкаськозы но бадӟым шугъяськон кылдытозы. Мылкыддэс куашкатыса, югдурез уд вошты. Али сэзь-пезь кариськоно, асьтэдыз кияды кырмоно но вань аналтэм ужъёстэс, сюлмаськытӥсь юанъёстэс сэрттоно-пертчоно. Син кышка, ки лэсьтэ, шуэм сямен, тӥ со гурезез ӝог берыктоды.
Лев.
Котырысьтыды адямиос куд-ог вамышъёстэс, верамъёстэс мыдлань валалозы. Та нуналъёсы сюлэм куарады тӥледыз уз пӧя, соин ик ӵемгес кылзэ сое. Асьтэдыз эрикогес шӧдэ, эн кышкалэ мар шуозы мукетъёс. Выль ужъёс борды кутскыны ӵапак дырыз.
Нылмурт.
Семья куспады ваньмыз ӟеч. Та нуналъёсы матысь адямиосыныды тросгес дырдэс ортчытъялоды. Соос тӥледыз умой иворъёсын шумпоттозы. Нош уж дурады азьвыллэсь тросгес тыршоно луоды. Маке тодмотэмез, вылез борды басьтӥськоды.
Весъёс.
Вордӥськонэ нокыӵе бадӟым яке выль ужъёс борды эн кутске. Тросэз учыръёс, югдуръёс чутрак мукет пала кожозы, но чакламъя уз мынэ. Соосты дугдытыны яке кужмысь мае ке воштыны эн тырше. Дугдэ, чидалэ, вите. Арня пумын югдур умой пала воштӥськоз, керетонъёс чалмозы, валамтэос сылмозы.
Скорпион.
Ужын но дорын огпӧртэм сюлмаськонъёс тӥледыз жадьытозы. Но тужгес но вожды потоз асьтэ вылы. Урод мылкыд, жадён но сюлмаськонъёс акыльтӥзы ини тӥледлы. Арня пумын асьтэдыз жалямысь дугдоды но бадӟымесь малпанъёстэс улонэ пыӵатыны кутскоды.
Ыбылӥськись.
Кыӵе ке но учыр тӥледлы маза уг сёты. Одӥг ласянь тӥ асьтэдыз четлыке шедемен лыдъяськоды. Мукет ласянь тодӥськоды ини, кызьы отысь пайдаен потыны. Арня шорын ваньзэ огкутскемен быдэстоды но шутэтскон нуналъёсы туж шудо луоды.
Сюро кеч.
Матысь адямиеныды кемалась кылдэм валамтэос, керетонъёс таяз арняе эрике потозы но тӥ вылэ кисьтӥськозы. Ужен йырин уз луы. Арня кутсконын ӵашетоды, арня шорын ог-огеныды уд вераське, ваче куатаськыса улоды. Нош арня пумын кык сюрес пӧлысь огзэ быръёды: яке люкиськоды яке воксё мукет сямен кусыпъёстэс радъялоды.
Ву кисьтась.
Та нуналъёсы, уката ик арня кутсконын, туж умой малпаськоно, ваньзэ пыр-поч эскероно, мертано. Соку гинэ асьтэлэсь кылдэс вераны луоз. Шонер решение кутӥды ке, тӥляд ужын но, матысь адямиосын кусыпъёсты но туж ӟечесь луозы. Арня пумын арлыдо ӵыжы-выжыостэс чакланы вуылэ.
Чорыгъёс.
Арня кутсконын ик тӥ туж ужась луоды. Ас азяды пуктэм ужпумез быдэстон понна тӥледыз номыр но нокин уз ӝегаты, уз люкеты. Арня шорын кылзэ сюлэм куарадэс. Со тӥледлы юрттоз кылдэм югдурез но адямиосты «шараяны», Чаклаське, тӥ мултэс оскиськоды куд-ог адямиослы.

Туспуктэм: it-portfolio.net

Удмурт Дунне
By Удмурт Дунне Май 23, 2014 13:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<