Йылпумъяськиз «Усьтэм Правительство» проектлэн нырысетӥ люкетэз

Удмурт Дунне
By Удмурт Дунне Май 19, 2014 15:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

180Йылпумъяськиз «Усьтэм Правительство» проектлэн нырысетӥ люкетэз. Пӧртэм удысъёсъя министръёслэн пуконъёсазы ӵектӥськиз 161 мурт, нош ваньзэ-ӧвӧлзэ вуиз 172 куриськон: таиз герӟаськемын одӥг муртлэн кык интые куриськеменыз — министре но, Тӧролы воштӥсе но. Тужгес но трос кандидатъёс люкаськизы информатизацияя но связья министре — 14 мурт, 13 адями люкаськиз кышкытлыклэсь утиськонъя, озьы ик промышленностья но энергетикая министръёсы куриськисьёс. Экономикая, озьы ик тазалыкез утёнъя министр луон мылкыдзэ вераз быдэн 11 мурт, быдэн одӥг куриськон вуиз Тӧролы воштӥсе «йыгаськыса»: гурт удысъя, озьы ик энергетикая но эстӥськонъя, коньдон ужпумъёсъя воштӥсьёслэн пуконъёсазы.
Удмуртилэн Тороезлэсь ужзэ быдэсъясь А. Соловьёв та проект пумысен мылкыдзэ тазьы вераз:
— «Усьтэм правительство» шараяны юрттоз сыӵе кандидатъёсты, кудъёсызлы калык оске. Быръемын луозы тужгес устоосыз, визьмоосыз. Ньӧмыз понна гинэ та конкурсэз ум ортчытӥське, со пыр асьмеос кылдытӥськомы кадръёсъя резервмес.
Та вакытэ радъяське кандидатъёс понна куара сётон, бӧрысьгес соосты дунъялозы юри кылдытэм эксперт группаос, пӧртэм огазеяськонъёсы пырисьёс, тодосчиос.
Пыр-почгес ивор шедьтыны быгатоды Удмуртилэн Тӧроезлэн но Правительстволэн сайтаз пырыса (udmurt.ru).

Елена Тугашова
Туспуктэм: minsvyaz.ros-spravka.ru

Удмурт Дунне
By Удмурт Дунне Май 19, 2014 15:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<