Стипендия басьтонлы конкурс ялэмын

Удмурт Дунне
By Удмурт Дунне 12 мая, 2014 12:28

68Туэ но азинтӥське Ӵыжы-выжы луись калыкъёслэн программазы улсын стипендиосты висъян. Отчы пыриськыны быгатозы Россиысь фин-угор выжыысь егитъёс-студентъёс — кунысьтымы вузъёсты йылпумъямъёс, оло нош магистр степень басьтэмъёс. Конкурсэ пыриськыса, соослы луонлык усьтӥське Эстониысь вузъёс бордын докторантураосын дышетскыны. Мар кароно та программалэсь стипендизэ басьтон понна? Вазиськоно программалэн Кенешезлы — kadi.sarv@ut.ee адресъя. Вань кулэ луись иворез шедьтыны быгатоды www.fennougria.ee сайтысь. Со сяна, студентлы ортчоно луоз Эстониысь быръем вузэзлэн экзаменъёсыз пыр.
Стипендилэн быдӟалаез — толэзьлы быдэ 320 евро, улон инты понна ватсаса висъяськоз 80 евро. Со сяна, 22 евро висъяськоз араз 2 пол вордскем палъёсы бертылыны, озьы ик нимысьтыз компенсация висъяськоз эмъяськонлы но. Пусйыны кулэ: стипендиез басьтыны быгатозы фин-угор тематикаен вырись, анай кылзэс ӟеч тодӥсь студентъёс.

Елена Тугашова
Туспуктэм: nazaccent.ru

Удмурт Дунне
By Удмурт Дунне 12 мая, 2014 12:28