Ойдолэ книга гожтом

Удмурт Дунне
By Удмурт Дунне 24 апреля, 2014 18:20

111«Россиысь анайёс» калык огазеяськонлэн Удмуртиысь ёзэз «Удмурт дунне» газетэн валче шаерамы улӥсьёслы ӵекто «Вормонлэн нылпиосыз» проектэ пыриськыны.
Быдӟым Вормонлэсь асьмемыз висъя 69 ар. Вордскем музъеммес тушмонлэсь утемъёс ӧжыт но ӧжыт кылё. Соослэн улонзы но тодэ ваёнъёссы котькуд минутэ историлы пӧрмыны быгато. Соин ик асьмелы ветеранъёслэсь тодэ ваёнъёссэс гожтыса кельтоно.
Таин валче странаысьтымы «Россиысь анайёс» калык огазеяськон вазиське школаын, колледжъёсын, техникумъёсын но военной училищеосын дышетскисьёслы, егитъёслэн огазеяськонъёсазы пырисьёслы но лыдӟисьёсмылы та проектэ пыриськыны.
Гожтэлэ (одно ик бадӟым кулэ ӧвӧл) ветеранъёсын ӵош тодэ ваёнъёссэс, войнаын луэм паймымон, кышкыт яке шудо учыръёссэс, ӵош ожмаськем эшъёссылэсь подвигъёссэс.
Туж умой луысал, туспуктэмъёс ыстысалды ке. Озьы ик витиськомы асьтэлэсь малпанъёстэс. Кыӵе мылкыдды кылдӥз ветеранэн пумиськемды, кенешемды бӧрсьы, мар выльзэ тодӥды но маиз сюлмады пыдло пыриз. Котькуд адями «Вормонлэн нылпиосыз» книгалэн одӥгез авторез луыны быгатэ. Тӥляд киыныды гожтэм фронтовикъёслэн учыръёссы уз ыше, азьланяз соосын тодматскозы будӥсь нылпиос.
Адямилэн улоназ туж трос валтӥсез но чыры-пырыез, сюлмаськытӥсез но шумпоттӥсез. Но котькудӥз ассэ гажась мурт тодыны кулэ Быдӟым ожын асьме калыклэсь подвигзэ. Ойдолэ ӵош гожтомы «Вормонлэн нылпиосыз» книгаез. Ветеранъёс сярысь статьяостэс лэзе «Удмурт дунне» газетлэн редакцияз.

Галина Семёнова
Туспуктэм: omsk-veteran.ru

Удмурт Дунне
By Удмурт Дунне 24 апреля, 2014 18:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<