Алнаш ёросысь Кузёбай гуртысь Маргарита Николаевалэн йӧнамез потэ

Удмурт Дунне
By Удмурт Дунне 24 апреля, 2014 18:02
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

дочьАлнаш ёросысь Кузёбай гуртысь Маргарита Николаева секыт висе, тӥлесьтыд юрттэт куре.
Николаевъёслэн семьяязы куинетӥ пиналзы, Маргарита нылзы, дырызлэсь вазьгес вордӥськиз. Врачъёс веразы: пиналлэн туж трос висёнъёсыз. Нунылы вордскемез бере ик одӥг операция лэсьтӥзы ини, кӧняез эшшо кулэ луоз, тодмо ӧвӧл.
— Милям вань висёнмы кӧт уламы, нылылэн сюлэз вакчигес, кус дораз грыжаез бадӟым, макес лыэз вольчемын — вера Маргариталэн анаез Валентина Владимировна. — Диагнозмы туж кузь но валантэм. Ижысь врачъёс шуо, сыӵе висёнэз эмъяны уг быгато. Но тани 18-тӥ мае милемыз возьмало Москваын, нылпиослэсь тазалыксэс эскеронъя наукая центрын (НЦЗД РАМН), хирургияя отделениын. Но Москвае мыныны, отын улыны коньдон кулэ. Ми али документъёс, справкаос бичаськом, анализ сётӥськом, нош кытысь уксё шедьтом, уг тодӥськы на.
Маргарита Николаевалы али 2 арес но 7 толэзь. Сое эскерыны но йӧнатыны кулэ невропатолог, ортопед, уролог, нейрохирург, окулист, гинеколог. Мар бордысен кутскыны эмъяськонэз но кыӵе специалист доры нырысь ик вазиськоно, ваньмыз тодмо луоз Москваысен. Валентина Николаевалэн нылыз ньыльпыдъяськыса ветлыны тырше, кык пыд вылаз султэмез уг луы. Трос коньдон кошке эмъюмъёслы, памперслы но пюреослы, Маргариталэн сиёнэз кушамез уг луы.
Котькуд анайлэн сямен, Валентиналэн но туж потэ, нылыз медаз висьы шуыса. Маргарита туж визьмо, котькуд юанлы со рос-прос вера, валэктэ. Валентина Владимировна сюлмаське но чидатэк вите ини Москвае мынонзэс.
Гажано лыдӟисьёс, газетмы пыр вазиськеммы потэ тӥледлы. Кинлэн мылкыдыз но луонлыкез вань юрттыны пичи Маргариталы, тӥ быгатӥськоды коньдон поныны Валентина Николаевалэн счётаз:

(ОАО Сбербанк России счет № 42307810468160828733/48) Висись пиналлэн анаезлы котькуд манет дуно.
Юанъёсты кылдӥзы ке, жингыртэ редакцие таӵе номеръёсъя: (83412) 73-33-43 яке 8-904-279- 07- 24.

Галина Семёнова
Туспуктэм: В. Курбатова.

Удмурт Дунне
By Удмурт Дунне 24 апреля, 2014 18:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<