«Айкай» ансамбль пыриськиз «Россилэн кырӟанъёсыз» фестивале

Удмурт Дунне
By Удмурт Дунне 23 апреля, 2014 16:19
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

109Ваньмыз, пе, супер! Озьы Н. Бабкина шуэ «Айкай» сярысь. Шаерысьтымы фольклор кырӟанъя но эктонъя ансамбль пыриськиз «Россилэн кырӟанъёсыз» фестиваль марафонэ.
Удмурт артистъёс концертъёсын ортчизы Киров областетӥ, Чувашия но Мордовия республикаостӥ. Соослы та марафонэ пыриськыны ӵектӥз «Русская песня» театрлэн кивалтӥсез Надежда Бабкина. РСФСР-ысь калык артистка фестивалез кылдытӥз 7 ар талэсь азьло. «Айкайёс» алигес Иже бертӥзы.
— «Россилэн кырӟанъёсыз» марафонэ пыриськизы 8 профессиональной ансамбльёс. Москваысь, Алтайысь, Кубаньысь, Владикавказысь, Владимирысь тодмо коллективъёс пӧлын вал ми но, — вера «Айкай» театрлэн кивалтӥсез Ольга Шибанова. Кык арня ӵоже ми ваньмы ӵош пуктӥмы 15 концерт. Котькудӥз кыстӥськиз 3 но ӝыны час. Таӵе валчеям концертъёслэн кулэлыксы туж бадӟым. Мылкыдмы туж умой, али но син азьын но пель сьӧрын Владикавказысь артистъёслэн барабанъёсын шудэмзы, Алтайысь «Алас» ансамбльлэн номеръёсыз, Кубаньысь «Криницалэн» кырӟамез. Пусйыны кулэ созэ но: марафон туж ӟеч радъямын. Нокыӵе ӝеганъёс, транспортэн шугъяськонъёс, валамтэос уг кылдо, артистъёсты туж шуныт пумитало. Фестиваль йылпумъяськем бере Надежда Бабкина дорамы лыктӥз но шуиз: ваньмыз супер. Мынам, пе, тӥ пумысен планъёсы вань на. Тодмо артистка ӧтиз ни милемыз сӥзьыл ортчоно марафонэ.

Галина Савина
Туспуктэм: izvestiaur.ru

Удмурт Дунне
By Удмурт Дунне 23 апреля, 2014 16:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<