«Чеберай-2014» конкурсын вормисе потӥз Дэбес ёросысь нылаш

Удмурт Дунне
By Удмурт Дунне Апрель 7, 2014 16:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

92Удмурт театрын 5-тӥ апреле удмурт нылъёс пӧлын тужгес чеберез луон понна нюръяськизы шаерысьтымы 8 дыдыос.
«Чеберай-2014» вожвылъяськонэ пыриськисьёс азе бадӟым ужпум пуктэмын вал: удмурт кылмес но сям-йылолъёсмес умой тодоно, визьмын паймытоно. Таин сэрен но туэ конкурсэ пыртэмын ӧй вал сцена вылтӥ купальникен ортчон. Тужгес устоез луиз Дэбес ёросысь Зар-Медла гуртысь Анастасия Тутаева. Бӧрысь шараяськиз ни, учкисьёс но сое ик бырйиллям шуыса.
Удмурт кун университетын дышетскись нылаш ачиз туннэ ке но пумозяз уг оскы на вормонэзлы. Та асме ачим, сценалэсь возьдаськонме, кышканме вормон, шуэ со.
Анастасия Тутаева пусъемын 15 сюрс манетэн. Со сяна, «Удмурт Кенеш» огазеяськон учкисьёслэн нимынызы кузьмаз солы туж чебер кышет.
Кыкетӥ инты сётэмын Зар-Медла гуртысь ик Кристина Юферевалы. Со луиз «Дыдыкай». Зэм, дунъясьёс пӧлын пӧртэм учконъёс вал: одӥг гуртысь кык муртэ пусйиым ке, адямиос мар шуозы? Но нылъёс янгыш шат, соос кыксы но Зар-Медлоын будэмын шуыса? Кристина Юферева дунъямын 10 сюрс манетэн.
Куинетӥ луиз но «Мусокай» нимез утӥз Эгра ёросысь Илляпи гуртысь кырӟан гожъясь Елизавета Лекомцева, дунъямын 5 сюрс манетэн.
Егитъёсын ужанъя министерство нимысьтыз пусйиз Шаркан ёросысь Мария Вотинаез – егитъёслэн «iВолга» форумазы ветлыны путёвка кузьмаз. Палэнэ ӧз кыльы Нациосын ужан политикая министерство но: нимысьтыз дунъяз но 3 сюрс манет кузьмаз Яр ёросысь Яна Барышниковалы. Пичи Пурга ёросысь Диана Михайлова ваньзэсты паймытӥз чебер куараеныз. Талы луонлык сётэмын Дмитрий Загребинлэн студияз кырӟанзэ гожтыны.

Елена Сараматова
Туспуктэм: vk.com (А. Тутаева)

Удмурт Дунне
By Удмурт Дунне Апрель 7, 2014 16:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<