Сарапул ёросын «Жингырты, анай кылмы» фестиваль ортчиз

Удмурт Дунне
By Удмурт Дунне Март 1, 2014 09:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
udmurt-anajjkyl

Табаньлэсь ческыт сиён ӧвӧл.

Сарапул ёросысь «Удмурт Кенеш» но «Удмурт нылкышно кенеш» огазеяськонъёс кичӧлтэм улсын Сигаево черкогуртысь «Спектр» культура юртын ортчытэмын .

Ужрадэ 5 удмурт семьяос пыриськизы: Сигаевоысь Жижинъёс, Соколовкаысь Захаровъёс, Дулесовоысь Сергеевъёс, Нечкиноысь Фархутдиновъёс, Шевыряловоысь Факрисламовъёс. Фойеын дасямын вал семьяослэн киужъёссыя адӟытон. Командаос улэм-вылэменызы видеовизитка пыр тодматӥзы. Отӥяз кутскиз пӧсь ӵошатскон: семьяос ог-огзэс шаертодонъя, удмурт сям-йылолъёсъя юанъёсын согизы. Собере кутскизы кырӟан-веранъёс, эктонъёс но кылбур лыдӟонъёс. Ӵӧжы сиёнэз быгатыса возьматӥзы Жижинъёс. Фархутдиновъёс мастер-класс ортчытӥзы: калыкез кускерттон керттыны дышетӥзы. Мукетъёсыз семьяос Выль ар пумитанэз но Ӵушкон данъянэз возьматӥзы. Ваньмыз ик командаос ческыт пӧрамъёсын — табанен, перепечен, ӝуко мильымен, кыстыбеен — «Ми тӥледыз куноятӥськом» ӝӧк пуктӥзы. Татын но вожвылъяськон ӟырдыт ортчиз.

udmurtlyk

Ужрадэ 5 удмурт семьяос пыриськизы.

Жюриын пукисьёс — Сарапул ёросысь «Удмурт Кенеш» но «Удмурт нылкышно кенеш» огазеяськонъёсын кивалтӥсь Нина Бехметова, «Удмурт Кенеш» огазеяськонлэн ёзчиез Александр Селиверстов, Сарапулысь Эшъяськон юртысь методист Надежда Сайранова но культурая но туризмъя отделэн кивалтӥсь Ольга Киселёва — котькуд семьялы ӟеч дунъет сётӥзы.

Сарапул ёрослэн йырыз Игорь Асабин вожвылъяськонэ пыриськемъёсты сюлмысьтыз ӟечкылаз.

— Ӟучъёс пӧлын улыса но, удмурт сям-йылолъёстэс уд вунэтӥське, сое будӥсь нылпиослы пыӵатыны тыршиськоды, — пусйиз Игорь Владимирович. — Мыным тужгес но кельшиз ӵӧжы сиён йылолды. Йӧллэсь мар но уг луы вылэм лэсьтыны!

vystavka

Адӟытон.

Вожвылъяськонэ пыриськем семьяосты огзэ но ӧз висъялэ, ваньзылы «Удмурт нылкышно кенеш» огазеяськонлэсь таукаронзэ, ёрос администрацилэсь быдэн 1 сюрс 500 манет тыр кузьым сертификатсэ сётӥзы.

— Котькудӥз семья туж ӟеч дасяськем, но жаляса верано, учкисез туж ӧжыт вал, — кӧтӝожзэ вера Нина Бехметова. — Озьы ке но сюлэм шумпотэ: ми утьыны но возьыны тыршиськом на вашкала дырысен пересьёсмылэсь пыӵаса кылем удмурт сям-йылолъёсмес. Таӵе ужрадъёсы пыриськись семьяослы тау шуыны кулэ. Азьланяз Сигаево совхоз-техникумын егитъёслэсь «Шунды» огазеяськонзылэсь ёззэ кылдытыны шӧтаськом. Отын удмуртъёс трос, малпаськом, ужмы одно ик пӧрмоз.

Любовь Тихонова

Туспуктэмъёс: cks-sarapul.udm.muzkult.ru

Удмурт Дунне
By Удмурт Дунне Март 1, 2014 09:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<