Ву ӧръяськоз туэ 12-тӥ — 16-тӥ апреле

Удмуртиысь куазез эскеронъя центр ивортэмъя, ву тудӟонлэн кысык вакытыз туэ усёз 12-тӥ — 16-тӥ апрельлы. Азьвыл аръёсын ӵошатыса, таиз 5 нуналлы ӝоггес вуоз. Синоптикъёс ивортэмъя, туэ шаерамы ӧръяськем тудвулэн быдӟалаез 120 — 150 миллион кубометр пала луыны быгатоз. Ӵошатон вылысь: кылем арын та лыдпус 184 миллион кубометр пала лыдъяськиз.
Кылем арын ноябрь толэзь шуныт улэмен музъем куронъёслэсь 10-40 процентэзлы гинэ кынмемын, со вие ик лымы тросгес люкаськемын — интыосын со 39 процентлы ятыргес луэмын. Музъем туэ укыр котмемын. Специалистъёс пусъемъя, ву тудӟон капчиен ортчоз, куазь шуныт возиськиз ке. Специалистъёс пусъемъя, туэ апреле температура куронъёсъя тупатскоз. Но матысь нуналъёсы уйин 12 градусозь кезьыт кариськоз на.

Елена Тугашова
Туспуктэм: росяма.рф