Вормисе потэм муртэз ӟечкылан

Удмурт Дунне
By Удмурт Дунне 24 марта, 2014 10:23

1Та нуналъёсы Вавож ёросысь Выль Бия гуртын радъяськиз «Гурт адями» конкурсын вормисе потэм муртэ ӟечкылан ужрад. Тодады вайытон вылысь: та ӵошатскон ялэмын вал кылем арын «Удмурт дунне» газетлэн кичӧлтэмезъя. Тужгес но трос куара люказ Вавож ёросысь «Колос» СПК-лэн кивалтӥсез Владимир Красильников. Со понна куаразэ сётӥз 600-лэсь ятыр адями. Со сяна, уно куара люказ Алнаш ёросысь «Молодая гвардия» Михаил Крылов но.
Выль Бия гуртысь калык «удмурт дуннеосты» шуныт мылкыдын пумитаз. Владимир Красильников пусъемын вал таукаронэн но синпель кузьымен — киын пужъятэм-вурем удмурт дэремен но куэм кускерттонэн. Таӵе ик ужрад ӝоген ортчоз Алнаш ёросысь «Молодая гвардия» хозяйствоын но.

Елена Тугашова
Туспуктэм: В. Беломорских

Удмурт Дунне
By Удмурт Дунне 24 марта, 2014 10:23