Ӵошатско сюрес лэсьтӥсьёс

Удмурт Дунне
By Удмурт Дунне 20 марта, 2014 17:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Сюрес лэсьтӥсьёслэн кысык дырзы вуэ. Солы дасяськыса, «Удмуртавтодор» огазеяськон аслаз ужасьёсыз пӧлын ӵошатскон ортчытиз.

Нырысетӥез таӵе конкурс радъяськылӥз Пичи Пургалан, собере кык ар бӧрсьысь бӧрсе Воткаын, нош туэ куноосты пумитаны шуд усиз алнашъёслы.

Асьме шаерын «Удмуртавтодор» — одӥгез бадӟымез предприятие. Татын ужало ог 1 сюрс 200 специалистъёс. Солэн 18 районын филиалъёсыз вань.

Туэ конкурсэ пыриськыны мылкыд каризы ваньмысьтыз ик дорожной управлениосызь ужасьёс. Соослы азинсконъёс сӥзьыса, «Удмуртавтодорен» кивалтӥсь Денис Щелканов шуиз: туннэ, пе, татчы люкаськизы устоосыз пӧлысь устоосыз. Али туж бадӟым саклык висъяське сюреслэн ӟечлыкезлы.

Машинистъёс но водительёс трос гинэ сюлэмшугъяськоно луизы конкурслэсь куронъёссэ быдэстон понна. Тодон-валанзэс возьматоно вал, билетъёсысь юанъёсты сэрттыса-пертчыса но машинаен яке тракторен ворттылыса. Туэ ваньмызлэсь чырмыт луэмзэс возьматӥзы алнашъёс. Кыкетӥ но куинетӥ интыосты утӥзы сьӧлтаос но пичи пургаос. Нимаз вормисьёс пусъемын грамотаосын но дуно кузьымъёсын — перфораторъёсын, пилаосын.

Судьяос пусйизы, конкурсэ пыриськисьёслэн быгатонлыксы арысь аре воля шуыса. Вуоноез таӵе ӵошатскон нош ик Алнашын радъямын луоз.

Леонид Ушаков
Туспуктэм: udmurtavtodor.ru

Удмурт Дунне
By Удмурт Дунне 20 марта, 2014 17:14