Шудон вуттоз-а вормонэ?

Удмурт Дунне
By Удмурт Дунне Март 18, 2014 14:05

Шудон вуттоз-а вормонэ?

Туннэ Марий Элын быръё фин-угор дуннеысь тужгес чебер, визьмо но усто студенткаез. «Мисс студенчества Финно-Угрии-2014» калыккуспо конкурс туэ куинетӥзэ ортче. Удмуртилэсь данзэ отын уте Алина Антонова.
Удмурт кун университетысь удмурт филология факультетын дышетскись Алина Антонова ӵошатске Комиысь, Мордовиысь, Юграысь, Карелиысь, Венгриысь, Финляндиысь но Марий Элысь студенткаосын.

Алнашысь нылашлы 19 арес. Алина усто дышетске, чебер кырӟа-эктэ, спортэн эшъяське но удмурт сям-йылолъёсты умой тодэ. Удмурт студентка эшъёсыныз ӵош Йошкар-Олае кошкиз 14-тӥ мартэ. УдГУ-ысь студентъёс оско: Алина чебер куараеныз, удмурт дӥсеныз но ассэ сцена вылын воземеныз одно ик паймытоз жюриез. Нылмурт возьматоз удмурт сюанлэсь оглюкетсэ.

Удмурт студентка понна висё вань алнашъёс, ӵыжы-выжыосыз, эшъёсыз, нош тужгес но сюлмаське анаез Наталья Антонова.

— Алина сценалэсь уг кышка, со 6 аресаз ини шаерамы ортчем «Утренняя звезда» ӵошатсконын нырысетӥ инты басьтӥз, собере «Ӝужась кизилиосын» вормиз. Пӧртэм ужрадъёсы ветлэ, удмурт егитъёслэн «Шунды» огазеяськоназы но пыриське. Но монэ сюлмаськытэ мукетыз. Алиналэн сямыз сыӵе: со ваньзэ сюлэм пыртӥз поттэ, уг ке удалты, мылкыдзэ укыр зол куашкатэ. Соин ик, конкурсэ кошкыкуз, солы шуи: нылы, ваньмыз со шудон. Вормид ке — усто, ӧд ке но — номыр кышкытэз уз луы. Мон понна со сотэк но вормись ини, быдэс Удмурт шаерысь огназэ отчы бырйиллям бере, — шуэ Наталья Васильевна.

Галина Семёнова
Туспуктэм: maers-letka.ru

Удмурт Дунне
By Удмурт Дунне Март 18, 2014 14:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<