«Айкайлэн» выль кивалтӥсез

Удмурт Дунне
By Удмурт Дунне Март 14, 2014 15:28
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

ЦФольклор кырӟанъя но эктонъя «Айкай» театрез азьлане валтыны оскемын Ольга Шибановалы. Азьвылэз кивалтӥсь Пётр Данилов — культурая, печатья но иворъёсъя министрлэн воштӥсез луиз.
Ольга Шибанова та ансамбльлы мурт адями ӧвӧл. Со шаерысьтымы крезьгуръя училищеез, собере Казаньысь искусствоосъя но культурая университетэз йылпумъямын, «Айкайын» оркестрысь артистка вал, шудӥз домраен.
— Кытын ке кивалтӥсь воштӥське ке, шуо: выль ӵужон выль сямен ӵуже. «Айкайын» озьы уз луы. Мынам валтӥсь ужпуме: коллектив тазьы ик сюлмысь мед тыршоз, учкисьёслы усто концертъёс мед дасялоз, гастрольёсы мед поталоз. Ансамблен кивалтон — бадӟым кыл кутон. Но малпасько, шуг-секытъёс уз кылдэ, — шуэ Ольга Борисовна.

«Айкайысь» артистъёслэн малпанъёссы:

Пётр Куликов, оркестрысь артист.
— Мылкыды умой. Малпасько, бадӟымесь воштӥськонъёс уз луэ. Пётр Павловичлэн валамон ини, берло дыре ансамбльлы дырыз ичигес шедьылӥз. Оскем потэ Ольга Борисовна кивалтыку, «Айкай» сыӵе ик вылӥын возиськоз. Пётр Данилов но милемыз уз кушты, дыр.

Екатерина Антонова артистка.
— Ольга Борисовна ӟеч мылкыдо, ужез яратӥсь, гань-гань, но со дыре ик ответственной адями. Со ачиз оркестрен кивалтэмын бере, ужез радъяны, адямиосын кусып тупатыны быгатэ.

Михаил Ворончихин, Россиысь дано артист.
— Выль кивалтӥсьлэн ужамезлы дунъет сётыны, куинь нунал ортчыса гинэ, уг луы, куинь ар ке но ужаны кулэ. Но Ольга Шибановаез но коллективез тодыса, мон оскисько: ваньмыз туж умой луоз.

Галина Савина
Туспуктэм: В. Беломорских

Удмурт Дунне
By Удмурт Дунне Март 14, 2014 15:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<