Куинетӥ старт, куинетӥ медаль

Сочиын ортчись Паралимпиада нош ик Удмуртиын улӥсьёсты ӟеч иворен шумпоттӥз, Владислав Лекомцев куинетӥ луиз.

Куасэн бызьылӥсьёс туннэ спринт амалъя вожвылъяськизы. Россиысь куать спортсмен финалэ шедиз, соос пӧлысь кыкез Удмуртиысь — Владимир Кононов но Владислав Лекомцев. Одӥг иськем бызизы ке но, спортсменъёслы со даур кузьда кыстӥськиз, луоз. Кема дыр ӵоже азьпалан мынӥз Владимир Кононов. Куас бодыостэк бызись спортсменэз финиш азьын куинез спортсмен азьпалтӥз. Куинетӥ интые потӥз Владислав Лекомцев. Пусйыны кулэ, Владиклэн та куинетӥ медалез. Талэсь азьвыл со зарни но туй медальёс басьтӥз ни. Спортсменъёсты азьпалан эшшо стартъёс витё, эшшо но золгес мед удалтоз.

Валентина Кутузова
Туспуктэм: Фото РИА Новости ©, Константин Чалабов