Кыӵе мылкыд кельтӥз «Пузкар»?

Удмурт Дунне
By Удмурт Дунне Март 3, 2014 09:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

30Ижысь «Роликс» кинотеатрын ортчиз кема возьмам «Пузкар» удмурт фильмез возьматон. Учкисьёс понна радъяськиз та кино бордын ужам муртъёсын тодматскон.
Киноез бадӟым экран пыр возьматэмлэсь азьло ик трос ӟеч кылъёс верамын вал актёръёслы, режиссёръёслы но продюссерлы. Мылкыдъёсты шараян азинтӥськиз фильм бере ортчем пресс-конференциын.
— Ми тодӥськом киномылэн ляб палъёсыз ӧжыт ӧвӧл шуыса. Синмамы ик тае верасьёс уз луэ. Но ми витиськом тӥлесьтыд малпанъёстэс, ӵектонъёстэс, — таӵе кылъёсын калыклы вазиськиз «Пузкар» фильмлэн режиссёрез Константин Ложкин.
Киноез дасян бордын тыршемъёслы уно юанъёс чузъяськизы. «Пузкарен» тодматскемъёс огымысь сямен ик пусйизы: таиз фильм, «Узы-борыен» ӵошатыса, кадръёслэн чеберлыксы но куара пуктон ласянь трос полы умойгес пӧрмиз. Нош кинолэн пумыз тросэзлы валантэм потӥз. Тросэз пусйизы: укыр ӝог, возьмамтэ шорысь йылпумъяськиз. Кино бордын тыршемъёс тазэ герӟазы киноез ӝог пуктонэн.
— Ужмес дунъяно ке, мыным со ляб потэ. Съёмкаос кык арня гинэ кыстӥськизы. Талэсь тросгес адямиосты ужатыны ӧм дӥсьтэ. Шудэмзы понна уксё ӧм тыре ук, нош соослы семьязэс сюдоно… Нош йылпумъяськонэз сярысь ке… Тӥ малпаськонэ усиды ук? Йырдэс кӧня ке бергатоды, урод шат таиз! — мылкыдзэ усьтӥз егит режиссёр К. Ложкин.
Актёръёс но трос секретъёссэс усьтӥзы. Кылсярысь, кызьы макем тумошо но дэмен тыршизы ын улын съёмкаосты радъяны, озьы ик кыӵе сценаосын шудыны пумит луиз егит актриса Наталья Алексеева. Армиысь иворъёс но вуизы: валтӥсь геройёс пӧлысь одӥгез — Никита Моисеев — служба нуон висказ парашютэн тэтчонзэ «Пузкарлэн» премьераезлы сӥзиз!
Поляк продюсер, Пётр Палган, оскытӥз, выль кино сярысь малпаськиськом ни, пе. Со оскытӥз: та фильмен удмурт кинематограф уз йылпумъяськы.

Дарья Шиляева
Туспуктэм: Пузкар

Удмурт Дунне
By Удмурт Дунне Март 3, 2014 09:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<