Куас вылэ, иворчиос!

Удмурт Дунне
By Удмурт Дунне Февраль 21, 2014 15:14

«Удмурт дунне» («Советской Удмуртия») газетлэн кубокез понна нырысетӥ ӵошатскон ортчиз Ижын 1952-тӥ арын.

Соос кыстӥськизы 1999-тӥ арозь. Одӥг ар вис карем бере, 2001-тӥ арын, Шарканын, выльысь вожвылъяськон ортчиз. 1995-тӥ арысен газетмылэн кубокез понна ӵошатсконэз бурд улаз басьтӥз республикаысь Спортъя кун комитет, озьы Сарапул ёросысь Сигаево черкогуртын 1995-тӥ арын кутскон сётэмын вал шаерамы ортчытӥськись Гурт тол шудонъёслы.

Газетын ужасьёс трос аръёс ӵоже радъям ужзэс ӧз аналтэ. 2004-тӥ арын шаерысьтымы куасэн бызьылӥсьёс пӧлын нош ик улӟиз газетмылэн кубокез понна вожвылъяськон. Кык ар ӵоже куноосты пумитазы Якшур-Бӧдья черкогуртын улӥсьёс, 2012-тӥ арын куасэн бызьылӥсьёс люкаськылӥзы Югдонэ — Г. Кулаковалэн спорткомплексаз.

Туэ кубокмы 53-тӥзэ шудытӥськоз. Та дыр ӵоже газетлэсь кубоксэ пӧртэм ёросъёсысь кужмо командаос басьтылӥзы. Кубокмы ӵемгес «кунояз» можгаос дорын — 12 пол, быдэн укмыс пол вуылӥз Шаркан но Дэри ёросъёсы, сизьым пол — Глаз ёросэ. Берло аръёсы котькинлэсь кужмо эграос. Соос милесьтым кубокмес вить пол басьтылӥзы. Быдэн кык пол — бӧдьяос, яръёс, воткаос. Озьы ик кубокмес утылӥзы Балезино, Ува ёросъёсысь но Ижысь спортсменъёс.

Таяз арнянуналэ кубок понна вожвылъяськон Якшур-Бӧдья черкогуртын ортчоз. Туэ ӵошатскон кык поллы шулдыргес ортчыны кулэ. Ёросъёсысь командаос сяна, куас вылэ султозы иворчиос. Журналистъёс пӧлын ар ӵоже кыстӥськись спартакиадалы кутскон сётэмын луоз ӵапак Якшур-Бӧдья черкогуртын.

Туспуктӥз Владимир Беломорских

Удмурт Дунне
By Удмурт Дунне Февраль 21, 2014 15:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<