Гуртын тыршисьёс мӧйымо, соосты воштӥсьёс уг тырмо

Шаерысьтымы Гурт удысъя но сиён-юонъя министерство ивортэмъя, берло аръёс ӵоже гурт удысын тыршисьёслэн лыдзы кык поллы кулэсмиз: 71 сюрсысен 33 сюрсозь. Кадръёсты дасян гурт хозяйствоос понна тужгес лэчытэз луэ.
Огъя вераса, гурт удысын тыршисьёс син куспын мӧйымо, нош соосты воштыны туала егитъёс туж ик дырто.
— Котькуд егит специалистлы быдэ ар куспын висъяськись юрттэтлэсь быдӟалазэ чаклано ке, со ӧз вошъяськы ни берло 7 ар ӵоже, — вераз гурт удысъя но сиён-юонъя министр А. Стрелков. — Со вие ик та амаллэн пайдаез син шорын: та дырлы юрттэт басьтэмъёс пӧлысь 62 процентэз гуртэ каръяськиз ни. Туэлы чаклам бюджет секытэн кутӥськиз ке но, юрттэтэз бадӟыматыны луонлыкъёс утчано, — шуиз министр.
Гурт удысъя но сиён-юонъя министерствоысь специалистъёслы та пумысен ӵектонъёссэс дасяны косэмын туэ мартозь.

Елена Тугашова
Туспуктэм: kreditbusiness.ru