Бусы ужъёслы дасяськоно ни

Удмурт Дунне
By Удмурт Дунне Январь 31, 2014 14:32

Бусы ужъёслы дасяськоно ни

41Можга ёросын йылпумъянъёс лэсьтэмын кылем арын пудо вордон удысын тыршемзылы но чакламын тулыс бусы ужъёслы дасяськон.

Гурт хозяйствоя управлениысь пудо вордон удысъя ёзэн кивалтӥсь Александр Александров пусъемъя, 2013-тӥ арын можгаос йӧл поттонзэс 3,5 процентлы йылэтӥзы, 2012-тӥ арынлэсь 891 тонналы ятыргес кыскизы. 100 скаллэсь 78 кунян басьтэмын, со но республикаынлэсь вылӥынгес.

Кылем арын ёросысь 11 гурт хозяйствоос скаллы быдэ 5 сюрс килограммлэсь ятыр йӧл кыскизы, нош «Родина» эштос — 6003 килограмм. Таин ӵош ик 4 хозяйство 4 сюрсэз но ӧз ортчы. Азьпалан йӧл поттонэз ӝутон вылысь хозяйствоосысь специалистъёсты куремын пудо сиёнэ маял (дрожжи), кыӵ (жмых), комбикорм ватсаны но скалъёсты ӵемгес гид азбаре поттаны.

Управлениысь валтӥсь агрономлэн М. Андреевалэн ивортэмезъя, та дырлы 949 тонна сылало ватсэтъёс басьтэмын. Со гектарлы быдэ 9, 6 килограмм луэ. Но 21 гурт предприятиос пӧлысь туннэ нуналлы удобрение басьтӥз-ай куатез гинэ. Соин ик та ужез ӝогомытыны дэмламын.

Вунэтэмын ӧй вал дунтэм но музъемез удалтытӥсь кыед. Сое али бусые потто 4 хозяйствоын гинэ: «Россия», «Родина», «Луч», «Заря». Мукетъёсаз гурт предприятиосын кыедзы гидъёс котырын кылле.

Иван Аркашев
Туспуктэм: virtual.brest.by

Удмурт Дунне
By Удмурт Дунне Январь 31, 2014 14:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<