Курытсэ ӟамыръян ӟече уз вутты

Республикаысьтымы нырысетӥ клинической больницае (РКБ) вуттэмын пыдъёссэ-киоссэ кынтэм 15 мурт. Юрттэт курыса, эмъясьёслы вазиськемын эшшо 25 адями, но тазалыксэс эскерем бере соос доразы лэземын. Больницае вазиськемъёс пӧлысь 90 процентэз — воргоронъёс.

Нырысетӥ РКБ-лэн ожоговой центрысьтыз эмъясьёс ивортэмъя, таӵе учыръёслэн мугзы кезьыт куазен гинэ герӟаськемын ӧвӧл, эмъясьёс доры вуттэмъёс ваньзы сямен ик кудӟемын вал. Специалистъёс пусъемъя, пыдъёстэ-киостэ кынтыны быгатод ноль градусэн но — курытсэ ӟамыртыса, музъем вылэ усид но умме усид ке. Яке котмем пыдкутчанэн кема дыр ӵоже ульчаетӥ калгид ке.

Наталья Седова
Туспуктэм: likar.info