Терактын сӧсырмемъёс вордскем палъёсазы берытскизы

Удмурт Дунне
By Удмурт Дунне Январь 10, 2014 15:02

Терактын сӧсырмемъёс вордскем палъёсазы берытскизы

Туннэ вордскем палъёсазы — Воткинск городэ — берытскизы Волгоградысь терактын сӧсырмыны шедем кык воргоронъёс, Воткаысь машина поттон заводын тыршисьёс — Егор Повышев но Павел Фефилов. Удмурт Республикаысь тазалыкез утёнъя министр Т. Демина ивортэмъя, тазалыксы соослэн юнмамын, воргоронъёсты эмъяськонние интыяны кулэлыкез ӧвӧл. Но соослэсь тазалыксэс чакласа возёзы доразы ветлӥсь эмъясьёс. Куинетӥез пиосмурт — Виталий Жуланов — золгес сӧсырмыны шедиз, солэн улонэз понна нюръясько Москваысь одӥгысьтыз эмъяськонниысь врачъёс.

Тодады уськытон вылысь: кылем арын 29-тӥ декабре Волгоградысь вокзал террористъёсын пуштытэмын вал. Ӵапак со вакытэ отчы кемдӥзы Воткинскысь машина поттон заводын тыршись 5 воргоронъёс. Соос Удмуртие берытско вылэм Капустин Яр полигонын ортчем командировказы бере. Кык мурт — Максим Садилов но Андрей Котенко — бырыны шедизы.

Елена Никитина
Туспуктэм: rbcdaily.ru

Удмурт Дунне
By Удмурт Дунне Январь 10, 2014 15:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<