Удмуртиын ялэмын кайгырон нуналъёс

Удмурт шаерлэн дано адямиез Михаил Тимофеевич Калашников улонысь кошкемен валче Удмурт Республикалэн Президентэз Александр Волков юнматӥз нимысьтыз указзэ: соя Удмурт шаерын кык нунал — 26-тӥ но 27-тӥ декабре — траур ялэмын луоз. Та нуналъёсы Россилэн но Удмуртилэн кун флагъёсыз лэземын луозы. Со сяна, культурая учреждениослы, озьы ик теле- но радиокомпаниослы возиськыны косэмын шулдыртӥсь ужрадъёслэсь, передачаослэсь.

Удмурт Республикаысь Президентлэн пресс-службаез ивортэмъя, М. Т. Калашниковен люкиськон ортчоз Ижысь Свято-Михайловской черкын 25-тӥ декабре 18 часысен 22 часозь, озьы ик 26-тӥ декабре 10 часысен 13 часозь.

Елена Тугашова
Туспуктӥз Николай Глухов