Тужгес кужмоосыз — удмурт воргоронъёс

Москвалэсь кыдёкын ик ӧвӧл интыяськем Красногорск карын ортче куасэн бызьылонъя ӵошатскон. Та нуналъёсы пиосмуртъёс пӧлын ортчем марафонын вормисе потӥз Удмурт шаерысь спортсмен Константин Главатских. 50 иськемез со 1 час 59 минут но 6 секунд куспын ортчиз. Кӧнялы ке гинэ бергес кылизы Татарстанысь Андрей Ларьков но Коми шаерысь Антон Зюзев. К. Главатских сяна, дас кужмоосыз пӧлы пыризы Удмуртиысь мукет спортсменъёс но: Николай Хохряков (ньылетӥ инты) но Александр Уткин (куатетӥ инты). Нылкышно спортсменъёс таяз радэ сокем зол ӧз висъяське. Республикаысьтымы Екатерина Воронцова 18-тӥез луиз.

Наталья Седова
Туспуктэм: Timonin Alexandr, skisport.ru