Ним ке вань, дан но медло

Удмурт Дунне
By Удмурт Дунне 19 декабря, 2013 16:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ним ке вань, дан но медло

«Удмурт Кенеш» огазеяськонлэсь Кузебай Герд нимо премизэ сётозы кык тодмо удмуртъёслы — тодосчилы Михаил Шишкинлы но крезьгурчилы Пантелей Кузнецовлы.

Таӵе решение вуизы премиосъя комиссилэн ёзчиосыз. Толон соослэсь малпанзэс юнматӥзы «Удмурт Кенеш» огазеяськонлэн исполкомчиосыз.

Нялтас вераса, премилы 5 мурт ӵектэмын вал. Ваньмыз ик соос ас удысъёсазы тодмо но дано муртъёс. Кылсярысь, Можга городысь крезьгурчи Вячеслав Кудрявцев, солэн бурд улаз пыре тодмо «Марӟан коллектив». Якшур-Бӧдья ёросысь Руф Иванов — суредась, кылдытӥз ёросысь флаглэсь но герблэсь туссэс. Глазовысь Геннадий Ложкин — шаерчи, историк, трос печатлаське газет-журналъёсын. Михиал Шишкин — экономика наукаосъя доктор, «Удмурт Кенешлэн» нырысетӥ президентэз, Россиысь фин-угор калыкъёслэсь ассоциацизэс кылдытонлы трос кужымзэ сётэм мурт. Пантелей Кузнецов быдэс шаермылы тодмо крезьгурчи, солэн 900-лэсь ятыр гожтэм кырӟанъёсыз, Россиысь но Удмуртиысь культура удысысь дано ужась.

Озьы ке но премиосъя комиссилэн тӧроез Владимир Владыкин пусйиз: куд-огезлэн адямиослэн вань фамилизы, нош куд-огезлэн — нимыз. Та веранэз зэматыса, комиссие пырись муртъёс огкылысь куаразэс сётӥзы Пантелей Кузнецов но Михаил Шишкин понна. Уго шаерамы та дано адямиосты тодӥсьтэмез ик ӧвӧл.

Премиез сиё-дано сётозы 28-тӥ январе «Герд лыӟонъёс дыръя». Нош вожвылъяськонэ пыриськем мукетъёссэ муртъёсты пусъёзы «Удмурт Кенешлэн» тау каронэныз.

Елена Никитина

Удмурт Дунне
By Удмурт Дунне 19 декабря, 2013 16:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<