Пӧяськисез китӥз кырмизы

Удмурт Республикаысь Югдурез утёнъя министерстволэн пресс-службаез ивортэмъя, та нуналъёсы ӝегатэмын Ижысь туризмъя огазеяськонлэн кивалтӥсез. Со янгыше уськытэмын калыкез пӧянъя. Та огазеяськон банкрот луэмез бере пытсамын лыдъяське ни вылэм, но солэн кивалтӥсез путёвкаосты вузанзэ уретымтэ: калыклэсь уксёзэ басьям, нош кунгож сьӧрысь отельёсын кусып возьымтэ, авиабилетъёс басьямтэ. Озьы калыкез пӧям 136 сюрс манетлы. Та вакытэ эскерон азинтӥське. Югдурез утисьёс эскеро та кивалтӥсьлэсь мукет пӧяськонъёсы но пыриськемзэ.

Елена Никитина
Туспуктэм: krsk.aif.ru