Куинетӥ

Толон ӝыт тодмо луизы «Ижысь винтовка» ӵошатсконлэн нырысетӥ вормисьёсыз.
Кезьытлы луыса, нылъёслэн эстафетазы ортчытэмын ӧй вал ке, воргоронъёс куас вылэ султыны дӥсьтӥзы ик. Ӵошатсконэ пыриськыны мылкыд каремзэ ивортӥз вал 15 команда, нош стартэ потӥз куатез гинэ, со пӧлысь одӥгез медаль понна нюръяськонысь «пезьдӥз». Нырысетӥ но кыкетӥ интые потӥзы Тюменьысь но Мордовиысь биатлонистъёс, «Удмуртия-2» командаысь спортсменъёс: Яков Некрасов, Дмитрий Кононов, Евгений Шамеев но Константин Перевощиков куинетӥ луизы, «Удмуртия-1» команда ньылетӥ интые кылиз.

Валентина Емельянова
Туспуктэм: biathlonrus.com