Горд, сьӧд но тӧдьы гинэ

Удмурт Дунне
By Удмурт Дунне 17 декабря, 2013 12:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Горд, сьӧд но тӧдьы гинэ

«Известия Удмуртской Республики» газетлэн редакцияз усьтӥськиз «Одо Маран» адӟытон.

Та адӟытон огазеяз 28 суредасьёслэсь ужъёссэс, кудъёсыз гудырикошкон толэзе Балезино ёросысь Юнда гуртын ортчем симпозиуме пыриськизы. Татын адӟыны луиз асьме суредасьёслэсь (Кучыран Юри, Жон-Жон Сандыр, Йорги Гири, Сергей Орлов), коми но бигер суредасьёслэсь (Павел Микушев, Ленар Ахметов) но кунгож сьӧрысь эшъёссылэсь (Марика Аро, Андруш Йонас, Айно Йохансон) ужъёссэс. Адӟытонэз усьтонын возьматӥзы симпозиумын гожтэм видео-артэз но кылзыны луиз бесерман гуръёсты, соосты кырӟазы Маша Корепанова но Юнда гуртысь вуэм песянайёс.

Одӥг суред но огшоры «картина» валанлы уг тупа: нырысь ик соос суредамын басма яке гофрокартон вылын горд сюен но сьӧд но тӧдьы буёлэн гинэ. Кисточкаосты, карандашъёсты татын воштӥзы боды, басма яке вандэм картошка. Та огазеясь амалъёсын сэрен ик суредъёс ог-огзылы агай-вынъёс но апай-сузэръёс кадь кельшо.

Котькуд суредлэн — аслаз историез. Кылсярысь, Эстониысь Андруш Йонаслэн суредаськон амалэз перфоманслы тупа: одӥг нуналэ со картон вылэ горд сюез пыдкутчанэныз лёгаз, кыкетӥяз — краскаен маялляз, мукетаз — суред вылаз сур пазяз. Озьы огъя суред пӧрмиз.

Пуштрос ласянь учконо ке, та суредъёсты огазеяло вашкала вакытысь 21-тӥ дауре выжем валанъёс, веранъёс: суредысь дукъя тодэ вайытэ докъя выжы сярысь веранэз, нош ныллэн синмаз суредам выжы азьлозэ но туалазэ тодэ вайытэ. Ма, этнофутуризм соку ик кылдэ, куке азьлоез но туалаез ваче син учко.

Вера Штыкова
Туспуктӥз Ксения Ворончихина

Удмурт Дунне
By Удмурт Дунне 17 декабря, 2013 12:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<