Кутсконэз умой

Удмурт Дунне
By Удмурт Дунне 12 декабря, 2013 18:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кутсконэз умой

kombikorm10-тӥ толсуре Сарапул ёросысь Уральский каргуртын усьтӥськиз комбикорм поттонъя выль завод. Предприятие 40 пумо сиёнъёсты араз 40 сюрс тонна поттоз.

Та дырозь асьме республикаын одӥг гинэ, Глазовын, таӵе завод ужаз. Араз 180 сюрс тонна комбикорм поттыса, со гурт предприятиослэсь кулэяськонъёссэс ӝынызэ гинэ быдэсъяз.

Уральский каргуртысь комбикорм завод — со Удмуртиын курка будэтонъя но солэсь араз 6 сюрс тонна сӥль поттонъя тылобурдо комплекслэн оглюкетэз. Сое лэсьтонлы 1,7 миллиард манет тыр инвестициос кутӥськозы.
Та проект улонэ пыӵамъя ӝутӥськоз туала тылобурдо комплекс. Отчы пырозы: комбикорм завод, инкубатор, курка пиосты но куркаосты будэтонъя площадкаос, тылобурдо вандонъя, сӥль но курка сӥльлэсь сиёнъёс поттонъя, кылем-мылемъёсты утялтонъя заводъёс.

Выль предприятие 250 ужась кутэмын луоз. Шоро-куспо уждун луоз 30-35 сюрс манет.

Проектэз лэсьтон бордын ужало Россиысь ООО «Аскор» компания но «Химель» немец компания. Удмуртия но та уже пыриське, асьме специалистъёс лэсьтозы инфраструктурая объектъёсты.

2014-тӥ арын та комплекслэсь кыкетӥ черодзэ лэсьтон кутскоз. Предприятие быдэсак ужаны кутскем бере бюджетэ араз 340 миллион манет выт вуоз.

Выль заводэз сиё-дано усьтонын Удмуртилэн Президентэз Александр Волков пусйиз:

— Арысь аре асьме республика тросгес инвесторъёсты бордаз кыске. Тани Ижевскын туэ быдэсме ни ТЭЦ-1-ез тупатъян. Та проектъя инвестициос 10 миллиард манет тыр луизы. Тани ӝутӥське тылобурдо комплекс. Оскисько, таос бӧрсьы сюрес усьтӥськоз мукет бадӟым проектъёслы но.

Сергей Захаров
Туспуктэм: udm-info.ru

Удмурт Дунне
By Удмурт Дунне 12 декабря, 2013 18:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<