Утёно «Шудон коркаез»

Удмурт Дунне
By Удмурт Дунне 5 декабря, 2013 14:14

Утёно «Шудон коркаез»

Кун Кенешысь Нациосын ужан политикая, кышкытлэсь утиськонъя, регламентъя но Кун Кенешлэсь ужзэ радъянъя ялан ужась комиссия эскериз Удмурт Республикалэсь 2014-тӥ арлы бюджетсэ.

Комиссилэн тӧроез Энвиль Касимов ивортӥз Кун Кенешлэн но Правительстволэн Президиумъёссылэн Президент Александр Волков кивалтэм улсын ортчем кенешсы сярысь.

Отын кутэмын решение, вуоно арлы бюджетлэсь доход люкетсэ йылэтыса, Нациосын ужан политикая министерстволы 6 миллион манет ватсаны, нош Культурая, печатья но иворъёсъя министерстволы — 13 миллион пала.

Тужгес но трос коньдон ватсаське Югдурез утёнъя министерстволэн программаосызлы. Тани «Кышкыт луисьтэм город» программалы чакламын 30 миллион манет будэтыны, «Сюрес вылын кышкытлыклэсь утиськон» программалы — 100 миллион манет.

Удмуртиысь ГИБДД-лэн кивалтӥсез Альберт Галимов валэктэмъя, уксё мыноз Ижевскын тросгес камераос басьтонлы. Та дырлы 15 чаклась камера юнматэмын, кулэ луоз на сомындагес ик. Со сяна, республикаысь сюресъёсты эскерыса возё 20 приборъёс. Соослэсь но лыдзэс йылэтоно. Котькуд сыӵе прибор ӝыны миллион манет сылэ.

Сюресъёс вылын мынон-ветлонэз тӥясьёсьлэсь вуись штрафъёссэс лыдэ басьтыса, «Сюрес вылын кышкытлыклэсь утиськон» программалы туж ик трос коньдон кулэ уз луы. Экспертъёслэн чакламзыя, 2014-тӥ арын соя Удмуртилэн бюджетаз 400 миллион манет вуыны кулэ. Со сяна, тая программаослы ик коньдон висъя на федерал казна.

Комиссия озьы ик эскериз «Мынам Удмуртие» телерадиокомпанилэсь югдурзэ: цифраен возьматонэ выжон понна 15 миллион манет тыр тӥрлык басьтоно. Нош солы коньдон ӵош ортчем Президиумъёслэн кенешазы чакламын ӧй вал. Культурая, печатья но иворъёсъя министрлэн воштӥсезлэн Сергей Васильевлэн валэктэмезъя, та ужпумез вакчи дыр куспын быдэстоно, сотэк бере кыльыны быгатом.

Нациосын ужан политикая министерство вазиськем комиссие, «Мынам Удмуртие» ТРК-лэсь «Шудон корка» адӟытонзэ ворсанлэсь утьыны курыса. Со понна кулэ, пе, 1 миллион манет.

Энвиль Касимов верамъя, 1 миллион со туж ик бадӟым уксё ӧвӧл, соин пиналъёслэн яратоно передачазылы юрттоно. Комиссилэн тӧроез та юанъёсты Кун Кенешлэн Президиумезлэн люкаськоназ эскерыны дэмлаз.

Иван Аркашев
Туспуктэм: myudm.ru 

Удмурт Дунне
By Удмурт Дунне 5 декабря, 2013 14:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<