Синъёс пачылало шумпотонэн

Удмурт Дунне
By Удмурт Дунне 5 декабря, 2013 10:19

Синъёс пачылало шумпотонэн

23Президент А. Волков кемалась ик ӧвӧл вуылӥз Эгра каргуртэ: отын со пыриськиз нылпи садлэсь выль юртсэ усьтонэ. Со ӝутэмын вужез интые, соиз угось куашкан калэ вуэмын вал ни, тэшкылиослэн улонзылы кышкытлык кылдытӥз. Выль юрт чакламын дас группалы, со пӧлысь витез висъяськоз яслилы.

— Котькудзэ выль детсадэз усьтыкум, анай-атайёслэсь шумпотонэн пачылась синъёссэс адӟыса, мон ачим но шудо луисько, — эграослы вазиськиз Президент. — Угось нылпиосмылы будыны, быгатонлыкъёссэс волятыны ӟечесь условиос кылдытӥськомы.

А. Волков пусъемъя, Удмурт шаер та дырлы быдэстӥз ни Россиысь Президентлэсь В. Путинлэсь косонзэ — нылпи садъёсын тырмыт интыос усьтэмын. Кылсярысь, туэ гинэ 30 выль детсад пуктэмын.

Сергей Захаров
Туспуктэм: sdelanounas.ru

Удмурт Дунне
By Удмурт Дунне 5 декабря, 2013 10:19