Олимпиадалэн тылыз ӝоген вуоз Удмуртие

Удмурт Дунне
By Удмурт Дунне 2 декабря, 2013 15:24
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Олимпиадалэн тылыз ӝоген вуоз Удмуртие

25Удмуртиысь Камбарка городын улӥсь инвалид Павел Черницынлы оскемын луоз Олимпиада шудонъёслэсь факелзэс Башкириысь Уфа городэтӥ нуыны. Та сярысь ивортӥз Удмуртиысь сӧсыръёслэн огазеяськонзылэн кивалтӥсез Максим Воробьёв. Павел Черницын пыриськиз факелэз нуыны мылкыд карисьёс пӧлын ялэм конкурсэ. Отын со вормисе потӥз. Со бырйыны кулэ вал ӵектэм городъёс пӧлысь одӥгзэ.

— Олимпийской факелэз шумпотыса Ижетӥ нуысал, — шуэ коляскаен ветлӥсь инвалид П. Черницын. — Но ӵектэм городъёс пӧлын Ижкар малы ке ӧй вал. Озьы быръёно кариськи Удмурт шаерлы матынзэ городэз — Уфаез.

Уфаын эстафета ортчоз туэ 21-тӥ декабре. Со бӧрсьы олимпийской тыл вуоз Ижевске. Шоркарамы эстафета ортчоз Выль ар бере 2-тӥ январе.

Елена Никитина
Туспуктэм: juraveinik.ru

Удмурт Дунне
By Удмурт Дунне 2 декабря, 2013 15:24