Мылкыдэз зыгатӥсь биатлон

Удмурт Дунне
By Удмурт Дунне 25 ноября, 2013 10:42

Мылкыдэз зыгатӥсь биатлон

77Кылем арнянуналэ тол сэзонзэс мытӥзы дуннеысь биатлонистъёс. Та вакытэ Россиысь спортсменъёс кужымзэс эскеро Швециысь Эстерсунд городын, ӵапак ортче биатлонъя кубок понна нюръяськонлэн нырысетӥ этапез.

Биатлонистъёс пӧлын шедьыны быгатысалзы Удмуртиысь куинь спортсмен: Валентина Назарова, Тюмень улос понна бызьылӥсьёс Максим Максимов но Иван Черезов. Бадӟым старт азьын Россиысь спортсменъёс куспазы вожвылъяськон ортчытӥзы. Жаляса верано, нимаз бызьылонын одӥгез но асьме биатлонистъёс вормон дорозь сузьтӥськыны ӧз быгатэ. И. Черезов гинэ куатетӥ интыозь ӝутскиз. Озьы со Россиысь воргоронъёслэн нырысетӥ сборноязы шедьыса, дуннеысь биатлонистъёслэн кубок понна нюръяськоназы пыриськыны быгатоз.

Дуннелэн кубокез понна нюръяськон суро эстафета бордысен кутскиз. Ӵошатскон дыръя лек тӧл кузёяськиз, вань кужмо спортсменъёсыз шуге-леке вуттӥз. Нырысетӥ интыын мынӥсь француз Мартен Фуркад но куинь круг мултэссэ ортчиз, вылаз ик одӥг патронзэ ыбымтэез понна эшшо 2 минут штраф басьтӥз на. Нош вормисе потӥзы Чехиысь, Норвегиысь но Украинаысь биатлонистъёс, Россиысь команда 6-тӥ интые кылиз.

Валентина Назарова та вакытэ Европаысь кубок понна нюръяськонэ пыриське, солэн нимыз возиське Сочиын ортчоно Олимпиадае шедёно спортсменъёс пӧлын. Нош толон со нырысетӥ зарнизэ утӥз. Швециысь Идре городын спринтын бызьылӥзы. Уваысь спортсменкамы одӥг пол кырыж ыбыса зарни медаль утӥз. Кыкетӥ но куинетӥ интые потӥзы Германиысь Катрин Ланг но Украинаысь Инна Супрун.

Валентина Емельянова
Туспуктэмын: Валентина Назарова
Туспуктэм: biathlonrus.com

Удмурт Дунне
By Удмурт Дунне 25 ноября, 2013 10:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<