Ивортэк улон ӧвӧл!

Удмурт Дунне
By Удмурт Дунне 22 ноября, 2013 12:14

Ивортэк улон ӧвӧл!

digital_tv_small«Гажано газетчиос! Валэктэ вал милемлы цифровой телевидение сярысь. Ми малпам вал, со вылэ выжимы ке, ми ваньзэ сюлмаськонъёстэк, чебер, чылкыт учкыны быгатом шуыса. Нош со озьы гинэ вылымтэ — кулэ, шуо, приставка басьтыны. Ярам, басьтӥм со приставка шуонзэс, табере возьматэ чебер, но… Удмурт иворъёс-передачаос нокытын ӧвӧл. Нош учкем потэ, кызьы, котырысь улонэз тодытэк, адӟытэк, улод? Ку меда адӟыны быгатомы анай кылын передачаосты?»

Г. Захарова.
Дэри ёрос.

Валэктон сётэ «Мынам Удмуртие» телерадиокомпанилэн валтӥсь редакторезлэн воштӥсез, анай кылын передачаос понна кыл кутӥсь редактор Сергей Касаткин:

— Та ужпум пумысен трос гинэ валэктонъёс сётоно луисько берло дыре. Зэм, та вакытэ цифровой вещание вылэ выжонъя федерал программа пыӵаны кутскиз. Со кӧня ке арлы чакламын. Туннэ нуналлы 1-тӥ мультиплексэ (валамонгес луоз 1-тӥ пакетэ шуыны) пыртэмын валтӥсь федерал каналъёс. Соосты адӟыны быгатӥськомы ни цифровой амалэн. Али кылдытӥське 2-тӥ но 3-тӥ мультиплекс. Та вакытлы вуэм иворъя улосъёсысь компаниос 3-тӥ мультиплексэ сюрыны быгатозы. Компанимылэн кивалтӥсьёсыз та ласянь уж нуо ни. Туннэ югдур зэмзэ но сюлмаськытӥсь — угось ми та вакытэ учкисьёсмес (нырысь ик гуртоосты) ыштӥськомы. Оскисько, удмурт передачаосты цифровой амал вылэ выжтон чакламъя, ӝегатскытэк ортчоз но удмурт учкисьёсмес ми ум ыштэ — соос милям самой оскымонэсь!

Туспуктэм: rtrs.ykt.ru

Удмурт Дунне
By Удмурт Дунне 22 ноября, 2013 12:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<