Мар верало кизилиос?

Удмурт Дунне
By Удмурт Дунне 22 ноября, 2013 11:20

Мар верало кизилиос?

Така.
Ужаны быгатэмдылы паймозы эшъёсты но, кивалтӥсьёс-ты но. Мӧзмыт ужъёсты быдэсъям сяна, творчество пќлы зымыны луонлык шедёз. Кин ке выль удыс борды кутскоз, кинэ ке кузь сюрес ӧтёз, куинетӥез кыӵе ке техника басьтоз. Тужгес шудо луоз вирнунал.

Ош. 
Азьвыл кинэн ке кенешемды но одӥг кылэ вуэмды уз юртты. Со адями малпанзэ чутрак воштоз. Шуг-секытъёслы эн сётӥське, ужъёсты ӟеч мынозы. Асьтэдыз яратыны кулэ, но со мултэс медаз луы. Выль ар праздник нуналъёслы шутэтскондэс али ик малпалэ ни.

Кыктоос.
Нырдэс кулэтэм интые эн чуртналэ ни: ичигес тододы, гань-ганьгес улоды. Выль ужъёс борды али эн кутске, тросгес шутэтске. Семьядылэн мылкыдыз потэ тӥляд мылкыдды бордысь но. Кылдэс чаклалэ, матысьёстылы тросгес саклык висъялэ, огнады куноостӥ эн ветлэ.

Кисло-кусло.
Маке выленыз тунсыкъяськыны кутскоды, со бордысь ик потозы тодматсконъёс, пумиськонъёс. Ӝеганъёсты, янгышъёсты чидаса, тӥ вакчи дыр куспын пӧртэм ужъёсты вуттоды но асьтэлы пайда поттоды. Эшъёсыныды пумиськон коньдон ужпумдэс сэрттыны юрттоз.

Лев.
Выль тодмоостылы эрик эн сётэ, соос улонады но малпанъёсады копаськыны ӧдъялозы. Уж дурады азьлань вамышъёс лэсьтыны эн кепыралэ. Луонлык вань эшшо одӥг тубатлы вылӥе ӝутскыны.

Нылмурт.
Асьтэлы гинэ оскиське. Уго эшъёсты, юрттэм интые, тӥледыз канжатыны вырозы. Пуксёнэ ужады сак луэ, вань иворъёсты умой пужнэ, пӧлазы пӧяськонъёс, янгышъёс луозы. Арня шорын шумпоттозы матысьёсты. Нош шутэтскон нуналъёсы ини тӥ соослэсь мылкыдзэс ӝутоды.

Весъёс.
Тужгес удалтоз средае. Вань секыт ужъёстэс, калыкен пумиськонъёстэс соку ортчытэ. Нош покчиарняе номыр вылез борды эн кутске, кенешонъёсты, командировкаосты пятницалы выжтэ. Шутэтскон нуналъёсы тодматскем адями азьланяз тӥледлы мурт уз луы.

Скорпион.
Котьмалэн но котькытын луыны кулэ эсэпез. Сое валаса, чакласа улӥды ке, арняды туж умой ортчоз. Кин ке улон интызэ выльдон борды басьтӥськоз, кин ке кытчы ке мынон сярысь малпаськоз. Та нуналъёсы сюрес вылын ӝеганъёс, уже бере кылёнъёс витё.

Ыбылӥськись.
Кивалтӥсь-ёсыныды та нуналъёсы эн пумиськылэ, ваче вераськон огдылы но шумпотон уз вайы. Асьтэдыз калык пӧртэм возьыны кутскоды. Эшъёстэс со паймытоз, нош выль тодмоостылы кельшоз. Дас уж борды эн кутске, быръе пӧлысьтызы валтӥсьсэ.

Сюро кеч.
Вордӥськонэ ик кузь сюрес вылэ потыны быгатӥсько-ды. Тӥляд ваньмыз пӧрмоз. Эшъёсты ӟеч ивор вералозы. Малпанъёстэс кивалтӥсьтылы вералэ арня пумын, соку со тӥледыз кылоз. Гочатӥсь ӵектонъёслы эн оске, эшъёстылэсь ужъёссэс ас вылады эн басьтэ.

Ву кисьтась.
Шулдыръяськон инты утчаса, эн ветлэ, али гижысь-пиньысь ужан вакыт. Бичатӥсь учыръёсысь потыны быгатэмды юрттоз та рад но шуг-секытъёслэсь мозмытскыны. Визьмо адямиослэсь верамъёссэс пеляды понэ.

Чорыгъёс.
Чакласькон нокинлы но люкетымтэ на, тӥ но та нуналъёсы сак луэ. Асьтэдыз гинэ шонерен лыдъямды яке кужымдылы мултэс оскемды асьтэлы ик изъян вайыны быгатоз. Ужен герӟаськем пумиськон пайдаё ортчоз. Арлыдо адямиосын одӥг кылэ вуоды, нош нылпиосыныды — уд, соос тӥ вылэ малы ке куатаськемын.

Удмурт Дунне
By Удмурт Дунне 22 ноября, 2013 11:20