Уксёез шыръятэк амал ӧвӧл

Удмурт Дунне
By Удмурт Дунне 21 ноября, 2013 19:00

Уксёез шыръятэк амал ӧвӧл

89Кун Кенешлэн сессиезлы йылпумъянъёс лэсьтӥз парламентысь Бюджетъя, вытъя но коньдон ужпумъёсъя ялан ужась комиссилэн кивалтӥсез Софья Широбокова.

Валлян Кун Дума кыкетӥ лыдӟонэн эскериз Россилэсь туэлы, озьы ик матысь аръёслы чаклам бюджетсэ. Куд-ог удысъёслы бадӟымгес саклык висъяны чакламын. Кылсярысь, улосъёсын нылпи садъёсты пуктонлы но соослэсь вужмем юртъёссэс выльдонлы, сирота кылем нылпиослы юрттонэз йылтонлы. Озьыен, та удысъёсъя Удмурт шаерлы но ватсаса коньдон вуыны быгатоз, пусйиз Софья Широбокова.

Маин таиз бюджет висъяське азьвыл аръёсы юнматэмъёсызлэсь? С. Широбокова таӵе валэктон сётӥз:

— Туэлы, озьы ик вуись аръёслы чаклам бюджет, Удмуртиын гинэ ӧвӧл, быдэс кунамы секытэн кутӥськиз. Сю процентозь чаклано луиз социальной удыслы уксё висъянэз: нырысетӥ интые потӥз бюджет чотын тыршисьёслэсь уждунзэс будэтон. Таизлы коньдон бюджетын пыр-поч чакламын. Азьвыл аръёсы коньдонмес эрикогес кутыны быгатӥмы. Кылсярысь, тросгес уксё висъяны пӧрмытӥмы вал инвестициосъя политикаез азинтонлы. Табере талы уксёез шыръяно луоз ни. Со сяна, бюджет эшшо но чильпырась луиз: 90 процентэз коньдон пыр-поч люкылэмын программаосъя.

Елена Никитина
Туспуктэм: trust.ua

Удмурт Дунне
By Удмурт Дунне 21 ноября, 2013 19:00