Газет пыр калыкен тодматски

Удмурт Дунне
By Удмурт Дунне Ноябрь 8, 2013 17:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

6-8-1Редакциямы удмурт нылкышно пыриз: тодэм, газетлы курьер пыр гожтӥськыны луоз шуыса. Почта пыр газет дыраз уг вуы, нош пӧсь иворез соку ик лыдӟем потэ, пе.

— 30 ар нефтяникъёс дорын тырши, нырысь инженерын, собере экономистозь будӥ. Вань улонме ӟучъёс, бигеръёс, еврейёс но мукет выжы калыкъёс пӧлын ортчытӥ, — анай кыллэсь люкиськыса сямен улэмзэ маде нылкышно. — Ваньзы соос асьме пала палэнысь лыктэм калыкъёс вал. Туж мӧзмыса улӥ удмуртлыклэсь но анай кыллэсь, вераськыны нокинэн. Шутэтскыны потыса, мон сое выльысь дышетыны кутски, «Удмурт дунне» газетэз басьтыны шӧтай. Генрих Перевощиковлэсь но музон писательёслэсь книгаоссэс басьяй. Газет пыр уно удмурт интеллигенциен тодматски.

Удмурт огазеяськонъёс пушъён вакытэ монэ удмуртъёс пӧлы кыскыны быгатӥз Валентина Николаевна Зиятова (Васильева). Туж бадӟым тау шуэме потэ солы. Со мынам ӵош будэм, школаын но институтын дышетскем эше. Факультетъёсмы гинэ пӧртэмесь вал — солэн филологической, мынам — физико-математической. Валентина Николаевна Ижысь 16 номеро школаын дышетӥз. Туж мыло-кыдо адями вал, но висён сое пыд йылысьтыз погыртӥз, улонысь нуиз. Отӥяз монэ «Удмурт Кенеш» огазеяськонлэн Устинов ёросысьтыз ёзаз кыскизы, собереяз — городскояз. Ёросысьтымы пенсионеръёсын но мон ужасько, быръёнъёсъя комиссиын но пукылӥсько.
Таисия Николаевна сюлмысьтыз яратэ анай кылзэ, удмурт калыксэ. Сое ӵем адӟыны луэ Удмурт театрысь, спектакльёсы но концертъёсы юромо ветлӥсько, матысьгес артистъёсын но удмурт калыкен тодматскисько, шуэ.

— Удмуртлык понна сюлэмы висе, — шуэ Таисия Емельянова. — Ми школаын дышетскон вакытэ сямен сое воксё но дышетэмысь медаз дугдэ вылэм, мажес вылэ кык пол лёгиськыны уг яра, сыӵе амал асьме будӥсь нылпиосмылы ик урод пала берыктӥськыса кошкоз. Котькудӥз удмурт адями анай кылынымы потӥсь журнал-газетъёсты мед басьтоз вылэм. Тани тӥ, «Удмурт дунне» газетын ужасьёс, туж умой малпаллямды, городын улӥсьёс доры газеттэс табере асьтэос вуттыны быгатоды. Туннэ ик шумпотыса бускель нылкышноосме но гожтӥськыто.

Любовь Тихонова
Туспуктӥз Зинаида Рябинина

Удмурт Дунне
By Удмурт Дунне Ноябрь 8, 2013 17:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<