Жаг гурезь йылысен…

Удмурт Дунне
By Удмурт Дунне 29 октября, 2013 13:15

Жаг гурезь йылысен…

Жаг гурезьёс ярало пӧйшуръёслы гинэ

Жаг гурезьёс ярало пӧйшуръёслы гинэ

Гуртъёс пӧрмо свалкалы

Якшур-Бӧдья ёросысь Кыква гуртын улӥсьёс ӵукназэс кутско, урам кузя костаськись жуг-жагез бичаса. Тужгес курадӟо Смирнов ульчаын улӥсьёс.

Маиз но ӧвӧл отын: клёнка пуйыос, пластик њенеликъёс! Ваньмыз та жоб вуэ Кокля гурезе жаг куян лэсьтэм интыысь. Кылем-мылемзэс кытчы киськаны валатэк, калык отчы кӧня ке ар џоже жагтӥське ни.

— Кылем арын жагмес тракторен донгазы, согизы ни вал. Нош али котыраз бергась ик ӧвӧл — олома пасьта луиз ни, — шуо кыкваос. — Мукши поселение пыриськомы бере, отчы но гожтэт ыстӥмы ни — пайдаез уг шӧдӥськы. Мульдаос пуктылом, шуо ик. Со сӥзёнзы но уг быдэсмы.

Сиён утчаса калгись пуныос жаг пӧлын бугыръясько. Татчы ӟичы но каръяськиз ни, пи поттӥз. Горд лушкаськись артысь коркаосы но пыраны кутскемын: ӵӧжзэс я ӟазегзэс кеся. Комакъёс но жаг пушкын алямын. Адямилы я пудолы висён вайыны быгато.

Гурт поселениен кивалтӥсь Анатолий Брюхачев югдур сярысь тодытэк уг улы.

— Мылкыды аслам капчи, кожаськоды-а? — лулӟе со. — Хозяйствомы мырдэм шока. Отын гусеничной трактор одӥг но ӧвӧл. Вазиськи мувӧй поттӥсьёслы. Юрттом шуизы, но татчыозь ӧз вуэ. Мон коньдон но тырыны дась ни — мед гинэ утялтозы!

Туннэ ёросысь Бегеш гуртэ жагез утялтонъя полигон лэсьтӥське. Чакламын сое туэ ар пумын усьтыны, шуэ ёрос администрацилэн йырызлэн лэсьтӥськонъя но коммунальной услугаосъя воштӥсез Олег Варавинов. Отчы быдэс район аслэсьтыз жуг-жагзэ вайылоз, пе. Зэм, со понна гуртоослэсь коньдон бичано луоз. Но туннэ районазы куд-ог хозяйствоос мырдэм шокало бере, кыӵе ке жаг понна кисыысьтызы копейказэс поттозы шат?
Зэм, Анатолий Брюхачев оскытэ:

— Мукши гуртын ножуг-жагез юнме азе куяло вал. Соин нюръяськон вылысь жагез нуллыны кутскылӥмы Шарканэ. Котькуд хозяйстволэсь толэзьлы быдэ 50 манетэн октылӥмы. Но утялтэм бервылэз палэнын улӥсьёс но тырмытыны кутскизы. Мукшиослэн йырзы кур луиз, лэся, коньдон люкамысь дугдӥзы. Но полигон усьтӥськиз ке, мон дась калыкен ужаны. Кыкваысен Бегешозь 19 иськем гинэ — дуно уз усьы.

Кыкваос туннэ уг оско, жаг гурезьзы куке сылмоз шуыса.

Бен, Олег Варавинов верамъя, ёросазы туэ гинэ чакламтэ азе кылдэм 111 свалкаез утялтӥллям ни. Но лымы усиз ке, соос выльысь тырмозы, дыр. Лымы улэ куштэм арбери уг адӟиськы ни ук.

Елена Фёдорова
Суредаз Вера Штыкова

Удмурт Дунне
By Удмурт Дунне 29 октября, 2013 13:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<