Тэтчаса — Гиннесс книгае

Удмурт Дунне
By Удмурт Дунне 22 октября, 2013 16:39

Тэтчаса —  Гиннесс книгае

Родион Талигин

Родион Талигин

Кемалась ӧвӧл тодматски Ямало-Ненец улосысь Родион Талигинэн. Спортэн тунсыкъяськисьёс солэсь нимзэ тодо, луоз, нош мыным со номыр сярысь ӧз вера. Тодматскыкумы гинэ валай: Родион пыртэмын Гиннесслэн рекордъёсын книгаяз.

32 аресъем хант Родион Талигин 8 аресысен спортэн эшъяське.

— Анай-атае пужей вордо, улон интызэс ӵем вошъяно луо. Монэ, мед дышетско шуыса, соос пичи дыръям ик Салехардысь интернатэ интыязы. Эшъёсыным городын ортчись вожвылъяськонъёсыз учкыны ветлӥсько вал. Туж кельшиз спортсменъёслэн нартъёс (60 сантиметр пасьталаен, 50 сантиметр ӝуждалаен ӟусъёс) вамен тэтчамзы, синмаськыса дунъялляй быгатэмзэс но огпол аслым ужпум пуктӥ: мон соосыз ваньзэс вормыны кулэ. Пичи мурт вера но вунэтэ, нош мон пуктэм ужпумме быдэстӥ.

Нартъёс вылтӥ ми палъёсын трос адямиос тэтчало, спортысь со одӥгез тунсыкоез удыс, малпасько. Соин, кема малпаськытэк, эшъёсыным ӵош гожтӥськи секцие. Келлятэк ветлӥ тренировкаосы. Быгатонлыкме синйылтӥзы: нырысь лэзьязы ёрос ӵошатсконъёсы, собере — округамы ортчылӥсьёсаз, Россилэн кубокъёсаз, дуннеысь чемпионатъёсы. Дуннеын рекорд пуктӥ: дугдылытэк 1 сюрс 226 нартъёс вылтӥ тэтчи, 2007-тӥ арын рекордъёсын Гиннесс книгае шеди.

— Кызьы дунъяськод рекорддэ? Секыт-а вал Гиннесс книгае сюрыны?

— Секыт ӧй шуысал. Нартъёс вылтӥ тэтчан мон понна нырысь шудон вал, собере ини ужлы пӧрмиз. Россиысь пӧртэм каръёсын, бӧрысь Аляскаын, Канадаын но мукет кунъёсын выль рекордъёс пуктылыны трос кужмы ке но быриз, кӧня шумпотонэ вал! Нош Книгае сюрыны ноку ӧй малпалля — тэтчай но тӥни.

— Спортысь мукет удысъёсын астэ ӧд эскерылы-а?

— Куасъёсын бызьылӥ, спортъя мастере кандидат луи. Но кык лудкечез уд куты — огзэ, кельшисьсэгес, быръёно. Анай-атае азьвыл куасъёсын мылысь-кыдысь бызьылӥзы. Семьяямы пичи дырысен спортэз гажан мылкыд пыӵатӥзы.

— Спортсменъёс куке но спортысь кошко, ӟигарзы быре. Ӧд малпаськы на-а, маин азьланяз вырод?

— Заочно амалэн мон Тобольск пединститутысь спортъя факультетэз йылпумъяй, тренерлэсь дипломзэ басьтӥ. Та вакытэ спортэн люкиськыны уг малпаськы на, уже туж яра. Но азьланяз, кин тодэ, оло, дипломея ужало но ай. Кин ке будӥсь пиналъёсты но дышетыны кулэ ук.

Лена Рябина

Удмурт Дунне
By Удмурт Дунне 22 октября, 2013 16:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<