Огазеясь газет

Удмурт Дунне
By Удмурт Дунне 28 октября, 2013 16:38

Огазеясь газет

97Удмурт егитъёслэн «Dart» газетсы мыным туж тунсыко потэ. Маиз отын кельше, юалоды?

Нырысь ик, та газет огъя егитъёсты, соослы луонлык сётэ ас талантсэс но аспӧртэмлыксэс адӟытыны. Соос гожъяло веросъёс, кылбуръёс, улонысь пӧртэм учыръёс. Кылсярысь, туж кельшизы кылем номеръёсысь Бурдо Анялэн «Шаян нунал», Мария Векшиналэн «Воргоронэн тодматскон» веросъёссы. Удмуртиысь иворъёсты но туж чаклало: «Кечол ӝытъёс», «Каллемон» фестиваль, «Горд фестиваль», «Вуоно писательлэн кабинетэз» конкурс сярысь тодӥмы ни, «Кытынкумар» рубрикаын нош толсурозь ик вань ужрадъёс гожъямын, мылыд гинэ мед потоз мыныны.

«Dart»-ысь луэ тодыны тунсыко адямиос сярысь: кырӟасьёс, чеберайёс, дизайнеръёс. Богдан Анфиногенов, Полина Кубиста, Юлия Шамшиярова…Газетын ёзвияло сюлмаськытӥсь ужпумъёсты. Куддыръя гожъясьёсын ӵош ик малпанэ усиськод, кызьы меда та секыт югдурез капчиятоно шуыса. Тани Лариса Дмитриевалэн «Визьмо пуныос сярысь» гожтэмез мыным туж матын: зэмзэ но, туж ӧжытэз университетысь дышетӥсь косэ студентъёсты малпаськыны — конспект гожтӥд но тӥни. Нош собере ас малпанъёсмес вераны ум быгатӥське но ӝожтӥськыны кутскиськом.

Мон малпасько, «Dart» юрттэ «Удмурт дуннелы» азинскыны, малы ке шуоно пересез но, егитэз но табере соин тунсыкъяьске, озьыен, тросгес адями газетэз лыдӟе.

Ксения Собина

Удмурт Дунне
By Удмурт Дунне 28 октября, 2013 16:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<