Ӟырдатӥсь рэп

Удмурт Дунне
By Удмурт Дунне 22 октября, 2013 17:27

Ӟырдатӥсь рэп

Никита Коркин

Никита Коркин

Удмурт рэп егитъёс пӧлын вӧлме. Пушнер но Исьнер, Vasil’ сьӧры кыстӥсько выль рэперъёс. Огез соос пӧлысь — Niki Udmort, Никита Коркин. Дышетске Удмурт кун университетысь журналистикая факультетын, солы 19 арес.

— Никита, алигес вотэсын «Кемалась» кырӟанэд кылдӥз. Сое кемалась-а малпад?

— Кырӟанме гожтӥ толэзь талэсь азьло, дорам пукыкум. Мылкыды умой вал: вай ай, малпасько, утчало, кутски но — кошкиз ук… Рэп кырӟанъёсты школаын 5-тӥ классын кылзыны кутски. Ачим Вавож ёросысь Ӟамбайгуртысь: тодӥськоды, дыр, Шихова Лушикмес… Текстсэ ачим гожтӥ. Сцена вылын выступать ӧй карылы на. Удмурт рэп-группаослэн концертъёсазы но ӧй ветлы, но ужъёссэс кылзылӥ. «Юмшан57» позыръяськонъёсы но ветлэме вань. «Дарт» газетэз ӵемысь лыдӟылӥсько, ачим но гожтӥськи.

— Творчествояд кинлэсь адӟем кариськод? Ӟуч рэперъёсты кылзӥськод, дыр.

— Ӟучъёсыз пӧлысь мыным матын Баста, DotsFam, малы ке шуоно соос пӧрмыто возьматыны ӵапак зэмос улонэз, ӝуто лэчыт ужпумъёсты, кудъёсыз вал но вань асьме Россиямы. А так пичиен кылзылӥсько на кунгож сьӧрысь кырӟасьёсты: B-Legit, 50 Cent но мукетъёссэ. Удмурт рэп но интыяз уг сылы. Шуом, Богдан Анфиногенов туж ӟеч быгатэ эктон интыез ӟырдатыны. Пушнерлэн куд-ог кырӟанъёсыз пуштросэнызы кельшо.

Дарали Лели

Удмурт Дунне
By Удмурт Дунне 22 октября, 2013 17:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<