Зигмунд Фрейд бак кыльысал…

Удмурт Дунне
By Удмурт Дунне 24 сентября, 2013 15:03

Зигмунд Фрейд бак кыльысал…

"Небесные жёны луговых мари" фильмысь суред

«Небесные жёны луговых мари» фильмысь суред

Ижын ортчиз «Небесные жёны луговых мари» киноез адӟытон. А. Федорченко режиссёрлэн та 2-тӥ киноез ни, кудӥз сӥземын паймымон фин-угор дуннелы. Нырысетӥез — бырем меря калыклы сӥзем «Овсянки» (2010-тӥ ар). Кыкез ик та киноос пӧртэм калыккуспо фестивальёсын вормисе потэмын но кинокритикъёсын вылӥ дунъямын.

«Небесные жёны луговых мари» — аспӧртэмлыко кино. Одӥг ласянь, со турттэ усьтыны пор калыклэсь пуш дуннезэ, нош мукет ласянь, авторъёс возьмато сыӵе пуш дуннеез, Зигмунд Фрейд но бак кыльысал, дыр.

Та кино мынэ пор кылын, ӟуч кылэ закадровой перевод карыса, таиз ласянь зэмос пор кылэз, актёръёслэсь куаразэс, интонацизэс шӧмъяны луэ. «Небесные жёны луговых мари» пӧрмемын 23 люкетлэсь. Котькуд люкет — со пичильтык верос пор нылаш яке кышномурт сярысь, котькудӥзлэн нимыз о букваысен кутске. Кылсярысь, Окай, Осылай, Одоча, Офраси, Опи, Околче. Котькуд люкетын сурамын улонысь учыр, мифология, мариослэн улон шоры учкемзы но эротика. Зэмзэ вераса, мултэс трос эротика. Та шоры серемпыр гинэ учконо, дыр. Малы ке шуоно визьмо но малпаськись тусын учкиськод ке, пушкын пумитъяськон будэ: ма, кызьы? Неужто востэм фин-угор калык тазьы адӟе нылкышно но пиосмурт кусыпъёсты? Нош кинолэн пумыз чебер потӥз — котькуд героиня, пор дӥськут дӥсяса, аслэсьтыз нимзэ вераз.

Та кино кык пӧртэм мылкыд кельтӥз. Одӥг ласянь, «Небесные жёны луговых мари» матысь луэменыз бугыртӥз — инкуазь но, корка пуш но, дӥсяськон манер но ӵапак милям кадь. Нош мукет ласянь, юасько аслэсьтым: удмуртъёс сярысь таӵе кино поттысалзы ке, шумпотысал-а?..

Вера Штыкова

Удмурт Дунне
By Удмурт Дунне 24 сентября, 2013 15:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<