Вераськись дӥсь

Удмурт Дунне
By Удмурт Дунне 24 сентября, 2013 11:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вераськись дӥсь

"Юмшан57" батыръёс

«Юмшан57» батыръёс

Котькуд адямилэн гардеробаз одно ик шедёз футболка. Шумпотыса верано, туэ удмурт шӧмо футболкаосыз но басьтыны луэ ни. «Монами», «Порозмафи» но мукет печатламъёсын дӥсь синэз ортчыт шумпоттэ. Нош кытын но ку футболка вордӥськиз меда?

Огшоры адямилэн гардеробаз сюрон понна футболка (яке поло) кузь сюресэз ортчоно луиз. Джинсыез сямен ик, сое нырысь униформаез кадь нуллӥзы. Берло дыре гинэ лэчыт веранъёсын трикотаж майкаос базаръёсы вӧлмизы. Мар гадь вылад гожтэмын — со ачид ик вань. Спортэн висиськод я кыӵе ке партилы оскиськод, поп-кизилилы йыбырттӥськод яке номыре но лыдэ уд басьтӥськы — тае вань калык тодоз. Футболка — котырысьтыд дуннеен шара вераськон. Ымдэ усьяно ӧвӧл ни.

Нырысетӥ полоос Британиын 19-тӥ даурын кылдӥзы. Мамыкез (хлопокез) киултэм кунлэн бадӟым заводъёсыз нимысьтыз ул дӥсь поттылӥзы. Небыт футболкаос ужасьёсты чурыт курткаослэсь но бышкаськись пальтоослэсь утьыны кулэ вал. Нырысетӥ дунне ож вакытэ V порма чыртыё тӧдь-тӧдь футболкаос сюлэмзыя луизы Америкаысь чорыгасьёслы, соослэн огазеяськонзылэн пуссылы пӧрмизы.

Кӧня ке ар ортчыса, Лымшор Калифорниысь университетлэн футболэн шудӥсьёсыз но поло дӥсязы. Футболка туж ӝог вӧлмиз вань дышетскисьёс пӧлы. Тупез матысен адӟылымтэос пӧлы но. Дышетскон юрт футболкаосыз вылэ Property of USC гожтэмез лякылыны ӧдъяз.

Адямиослэн йыръёсазы пуштэм кадь луиз экранъёсы Марлон Брандо актёрлэн потамез. «Трамвай «Желание» киноын солэн героез гань-гань тусо, мугораз тач-тач лякиськем футболкаен сћлё-виро воргоронэз возьматэ. Учкисьёс соку ик синмаськизы. Берло Брандолэсь адӟем кариз выль кизили Джеймс Дин. Тазьы футболка ул дӥсь луонлэсь мозмиз — кыре потӥз.

Ӝоген футболкаосты нылъёс но нуллыны ӧдъязы. Озьы соос шара пумит луэмзэс ялӥзы пол, раса, калык тодметъёсъя висъянлы но ултӥянлы. Футболкаосты кутскизы кырылыны, вандылыны, кесяны, итылыны… Сокем тузӥ луиз — фабрикаос урмыса кырмиськизы футболка поттон борды. Соку ик нырысьсэ кылдо кырӟасьёсын но артистъёсын печатлам гадьёс, рок субкультура кужмоя. Нош субкультуралэн мурӝол шӧмыз нокытчы ӧз тӧлӟы. Котьма ке но, футболкаосын уж дуре ветлыны ӧз на лэзьялэ.

1970-тӥ арын кылдэ туннэ нуналэ но тодмо ним — Вивьен Вествуд модельер. Ӵапак со но Малкольм МакЛарен кузпалэз брит панк тулкымлэн анай-атаез луизы. Вивьен Вествуд дӥсьтӥз гожтыны футболка вылэ одӥг гинэ кыл: SEX.

Нош политика? Шат со палэнскиз таӵе усто тӥрлыклэсь? Валамон ни, ӧз. 1948-тӥ арын Труман-Дьюи президентъёс воштӥськыку, Смитсон институт Dew it with Dewey! гожтэмен кампаниез чӧлтӥз. Берлоез тодмо учыр — Обамалы пиар. OBEY бренд Барак Обамалэн тусыныз футболкаос поттӥз, сьӧд президентэз суредаз тодмо ульча-арт усточи Шепард Фэйри.

Футболка — со дӥсь код, аспӧртэм вазиськон. Вылаз гожтэмзэ гинэ чаклано ӧвӧл, троссэ вералозы футболкалэн вуремез, буёлэз, чыры-пырыосыз. Кылсярысь, кузь, пыдес дорозь лошъяськись футболкаос хип-хоп культураез тодэ вайыто, гольык гадез суредась майкаос — морякъёсты: дӥськутэн кильтыръяськон бордысь ик пото выль шӧмъёс, мукет сямен валаны луэ андрогин но бисексуал тусъёсты, кылдон выжыоссэс.

Дарали Лели
Туспуктӥз Виталий Бармин

Удмурт Дунне
By Удмурт Дунне 24 сентября, 2013 11:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<