Удмуртъёслы синмаськизы 2 сюрс куноос

Удмурт Дунне
By Удмурт Дунне Сентябрь 10, 2013 10:37

Удмуртъёслы синмаськизы  2 сюрс куноос

"Азвесь гур" ансамбль

«Азвесь гур» ансамбль

Туэ дасэтӥ ползэ паськыт пусйим Свердловск улосын улӥсь пӧртэм выжы калыкъёслэсь нуналзэс.

Инбам улын, «Космос» театр вӧзын, башкиръёслэн, удмуртъёслэн, поръёслэн, армянъёслэн, азербайджанъёслэн, корейёслэн но трос мукетъёсызлэн шулдыр азбаръёссы усьтӥськизы. Одӥгезлэсь пӧртэм мукетыз: котькуд калыклэн аслаз сямъёсыз, йылолъёсыз, культураез адӟиськиз.

«Космос» театрын ортчиз чебер концерт. Таяз пыриськизы Азербайджанысь, Башкортостанысь, Узбекистанысь но Свердловск улосысь кырӟась-верась коллективъёс. Люкаськемъёслы бадӟым кузьым лэсьтӥз Белоруссиысь «Песняры» тодмо ансамбль. Та ансамблез кылдытӥсь Владимир Мулявинлы, ар ортчыса, театр вӧзын синпелет усьтӥськыны кулэ. Крезьгурчи вордскемын Свердловскын.

Удмуртъёслэн «Эгес» огазеяськонзы ассэ сабырлы возьматӥз. Екатеринбургысь кырӟанъя но эктонъя «Азвесь гур» фольклор ансамбле ветлӥсьёс удмурт азбар дасязы. Отчы поттӥзы вашкала куэм выж лёгетъёсты, пужъятэм ӵушконъёсты, ӝӧккышетъёсты, корка пушкын кутӥськись тӥрлыкез, удмурт дӥсьёсты. Вайизы пӧраськемъёссэс но. Гурын пыжем перепечен, табанен, пӧртэм турынъёсын парем чаен пумитазы соос празднике вуэм бадӟым куноосты: Свердловск улослэсь вице-губернаторзэ Я. Силинэз, Свердловск улосысь культурая министрез П. Крековез, Политикая департаментысь валтӥсь консультантэз М. Плясуноваез.

Празднике вуылӥзы Свердловск улосэ пырись ньыль городысь — Екатеринбургысь, Режысь, Ревдаысь но Сысертьысь — удмуртлыксэс утён сярысь сюлмаськисьёс. Соослы луыса, празднике вуэм 2 сюрслэсь ятыр куноос тодматскыны быгатӥзы удмурт культураен.

Марина Ягуткина,
«Эгес» огазеяськонлэн кивалтӥсез

Удмурт Дунне
By Удмурт Дунне Сентябрь 10, 2013 10:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<