Толэзь ныл

Удмурт Дунне
By Удмурт Дунне Сентябрь 17, 2013 10:55

Толэзь ныл

Н. Кралина

Н. Кралина

Фольклорез, литератураез эскерись, берыкъясь Надежда Кралина 18-тӥ сентябре пусъёз 90 арес тырмонзэ.

Вордӥськиз со Саратов областьысь Вольск городын, но 1942-тӥ арысен улэ Ижын. Лек ож вакытэ ужамын заводын но, фермаын но, Ижевск-Балезино чугун сюрес лэсьтэмын. Со аръёс сярысь тодэ ваёнъёссэ 2003-тӥ арын поттӥз «Дорога, ставшая судьбой» книгаын. Надежда Петровнаен огкадь шуг-секытъёс пыр потэмъёс, историез эскерисьёс понна со луиз ӝӧк выл книга.

Тросэзлэн пичи дырзы, мынам но, ортчиз, кезьыт тол ӝытъёсы шуныт полать вылын «Удмурт калык выжыкылъёс» книгазэ лыдӟыса — лыз выло вал со, одӥг-ог пичи суредъёсын, синэз ӧз кыскы, но йырвизе, вире пыртӥз удмурт асваланлэсь пырызэ. 1986-тӥ арын ини потэм «Мифы, легенды и сказки удмуртского народа» книга аспӧртэмлыко луэ суредъёсыныз — табере ваньмыз тодо ини, вумуртъёс, алангасаръёс, обыдаос вылӥллям сыӵеесь, кыӵеен суредаз соосты Менсадык Гарипов.

Удмурт выжыкылъёсты калыке вуттэм сяна, Н. Кралина кылчи сямен эскериз, люказ но нимысьтыз книгаосын поттӥз визькылъёсты (поговорки), мадиськонъёсты (загадки).

Трос кужымзэ Надежда Петровна сётӥз удмурт писательёслэсь творчествозэс эскеронлы: М. Можгин, Ашальчи Оки, И. Гаврилов, С. Самсонов, Ф. Васильев… Ӟуч лыдӟись доры со вуттӥз ог 20 удмурт писательёслэсь произведениоссэс. Т. Архиповлэн «У реки Лудзинки» дилогиез 5 пол поттэмын, лыдӟись озьы ик яратӥз Г. Перевощиковлэсь «Поклонись земле», «Полдень» книгаоссэ, Р. Валишинлэсь, Л. Емельяновлэсь, Г. Романовалэсь произведениоссэс.

Та вакытэ Надежда Петровна дорысьтыз уг пота ни. Весь калык пӧлын улэм мурт адямиослэсь мӧзме. Толэзьын огназ сылӥсь вукарнанэн ныл кадь.

Ольга Вахитова

Удмурт Дунне
By Удмурт Дунне Сентябрь 17, 2013 10:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<