Тодматсконлы — толэзь

Удмурт Дунне
By Удмурт Дунне Сентябрь 18, 2013 14:28

Тодматсконлы — толэзь

"Дорога, ставшая судьбой" - Н. Кралиналэн одӥгез бадӟым ужез. Отын со вера Ижевск-Балезино чугун сюресэз лэсьтон сярысь.

«Дорога, ставшая судьбой» — Н. Кралиналэн одӥгез бадӟым ужез. Отын со вера Ижевск-Балезино чугун сюресэз лэсьтон сярысь.

Надежда Кралина туннэ котрес лыдпуссэ пусъе – солы 90 арес тырмиз. Солы сӥзьыса, Удмуртиысь выль историлэн документациезъя центр тунсыко адӟытон дасяз.

Надежда Кралина кадь адямиос чиньыен лыдъямон. Со ик литературовед, фольклорист, берыктӥсь, дышетӥсь. Со сяна, Надежда Петровнаез Удмуртиысь Гожъяськисьёслэн огазеяськоназы но СССР-ысь Гожъяськисьёслэн огазеяськонзылэн Литературая фондаз пыртӥзы, «Удмуртиысь культура удысысь дано ужась» но «Ужысь ветеран» нимъёсын пусйизы.

Удмуртиысь выль историлэн документациезъя центрын 4 ӝажыосы уно данъянъёс, пӧртэм удостоверениос, книгаос, гожтэтъёс интыямын. Ваньмыз, мае Надежда Петровна сётӥз архиве, мар со сярысь фондын люкамын. Адӟытонэз дасясь Флюра Пузанова гуроиняез сярысь маде:

— Мон Надежда Петровнаен тодмо ке но ӧвӧл, книгаосты, тодэ ваёнъёсты лыдӟыса, малпанэ вуи, та кышномурт туж лякыт сюлэмо, капчи мылкыдо, визиськись шуыса. Дышетскисьёсыз 2 пол но-3 пол но юрттэтсэ куро – со ноку пумит уг кариськы. Паймытӥз таиз но: Надежда Кралина ӟуч семьяын вордскемын, но удмурт литератураен но фольклорен тунсыкъяськемез куриз удмурт кылэз тодэмез. Со кутскем ужезлэсь ӧз палэнтӥськы: кылэз но дышетӥз, удмуртъёслэсь фольклорзэс, уно удмурт авторъёсты ӟуче берыктӥз, трос книгаос гожтӥз. 1986-тӥ арын потэм «Мифы, легенды и сказки удмуртского народа» ужез УАССР-лэн Кун премиеныз пусъемын.

Адӟытон тунсыко пӧрмем. Учкисьёс, юбилярлэн улон сюресэныз тодматскем сяна, Н. П. Кралиналэсь туспуктэмъёссэ, шахматъя ӵошатсконъёсысь дипломъёссэ, уно книгаоссэ учкыны быгатозы.

Адӟытон кема уз луы: толэзь ортчыса, сое воштозы.

Елена Рябина
Туспуктэмез: www.vestnik.udsu.ru

Удмурт Дунне
By Удмурт Дунне Сентябрь 18, 2013 14:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<