Паськыт сюрес

Удмурт Дунне
By Удмурт Дунне 20 сентября, 2013 15:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Паськыт сюрес

"Калашников" концернлэн продукциеныз тодматскон

«Калашников» концернлэн продукциеныз тодматскон

Ож тӥрлык поттӥсьлы сӥзем праздникез пусъён улсын Удмурт шаере вуылӥз Россилэн Президентэз Владимир Путин.

Президентэн ӵош элькунамы вуылӥзы Россиысь вице-премьер, оборона но промышленность понна кыл кутӥсь Дмитрий Рогозин, обороная министр Сергей Шойгу, промышленностья но вуз каронъя министр Денис Мантуров, Россиысь Президентлэн Приволжск федерал округъя оскем муртэз Михаил Бабич.

Республикамылэн шоркараз вуыса, Президент Владимир Путин нырысь ик мылкыд кариз быдэс дуннелы тодмо луэм конструкторен Михаил Калашниковен пумиськыны. Михаил Тимофеевичен одӥг ӝӧк сьӧры пуксьыса, Владимир Владимирович тунсыкъяськиз конструкторлэн тазалыкеныз. Тау кариз странамылэсь обороназэ юнматыны сюлмаськемез понна. Ож тӥрлык поттӥсьлэн нуналэныз ӟечкыласа, Михаил Калашниковлы час кузьмаз. Дано конструктор но бере ӧз кыльы: Владимир Путинлы сётӥз выль поттэм книгаоссэ.

Такем шуныт пумиськон бере Президент дыртӥз «Ижмаше» выль продукциен тодматскыны. Радъяськиз туала ож тӥрлыклы сӥзем бадӟым адӟытон. Со сяна, Владимир Владимирович пумиськиз заводын тыршисьёсын но. Пыӵал тӥрлык поттӥсьёс сюлмаськытӥсь юанъёссэс меӵак Президентлы сётыны быгатӥзы. Тужгес но тунсыкъяськизы анай капитал пумысен: кӧня дыр ӵоже кыстӥськоз на та программа? Владимир Путин пусйиз: со быдэсъяськоз матысь куинь ар ӵоже. Рабочийёс Президентлы ивортӥзы улон инты ласянь шуг-секытъёссы сярысь, озьы ик ӝожтӥськизы, пичи уждунзы, егит специалистъёслы уже интыяськонъя секыт югдур пумысен.

Та бӧрсьы усьтӥськиз бадӟым кенешон. Вераськон мынӥз 2011-тӥ-2020-тӥ аръёслы чаклам ож тӥрлык поттонъя кун программаез быдэстон пумысен. Кышкытлыклэсь утиськон ласянь сухопутной войскоос азьпал радын, вераз Путин. Лыдзыя но та войскоос туж бадӟым луо. Но та дырлы соос кулэясько туала куронъёсъя кылдытэм ож тӥрлыклы. Соин ик обороная предприятиос азьын сылӥсь ужпум — соослэсь куронъёссэс быдэстон.

Президент В. Путин ивортӥз: сухопутной войскоосы выль ож тӥрлык вуттонлы федерал бюджетысь висъяськоз 3 триллион манет. Туннэ нуналлы та ёзъёсын кутӥськись техникалэн 30 процентэз гинэ туала куронъёслы тупа. Тани-тани «гурысь потоз» выль бронетехника, военнослужащийёс выль дӥськутэн ветлозы. Утчаськонъёс мыно, техника выльдӥське. Выльдӥськон понна 5-7 арлы чаклам рос-прос система кылдытоно. Тужгес но бадӟым саклык висъяно высокоточной ож тӥрлык дасянлы, шуиз В. Путин.

Президент вераз «Калашников» концерн сярысь но. Стрелковой пыӵал тӥрлыкез, озьы ик боеприпасъёсты поттӥсь предприятиослэн таӵе амалъя огазеяськемзы оскон кылдытэ: производство йылоз, поттэм вузлэн ӟечлыкез ӝутскоз, калыклэн уждунэз йылоз. Но та ужын валтӥсь интые пото егит специалистъёс — соосты обороная предприятиосы кысконъя нимысьтыз программа кылдытоно. Со понна пӧртэм амалъёс кутоно. Кылсярысь, капчиятэм амалъя квартираос висъяно, ӵектӥз Президент.

Владимир Путин, Ижын ужан нуналзэ йылпумъяса, вазиськиз шаерысьтымы пыӵал тӥрлык поттӥсьёслы, та удысысь ветеранъёслы. Со сюлмысьтыз ӟечкылаз соосты удыс нуналэнызы, сӥзиз выль вормонъёс.

Сергей Захаров
Туспуктӥз Константин Ившин

Удмурт Дунне
By Удмурт Дунне 20 сентября, 2013 15:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<