Чеберайёс ӵошатско Балиын

Удмурт Дунне
By Удмурт Дунне 9 сентября, 2013 16:50

Чеберайёс ӵошатско Балиын

photo_74416ИТАР-ТАСС ивортэмъя, Индонезиысь Бали шормуӵын «Мисс Мира-2013» вожвылъяськон кутскиз.

Усьтӥськон ужрад ортчиз толон ӝыт. Парадэ пыриськизы дуннелэн пӧртэм сэрегъёсысьтыз 131 чеберайёс, соосты чаклазы 100-лэсь трос югдурез утёнъя ёзъёсысь ужасьёс.

Индонезиын улӥсьёс та конкурслы пумит вал, соос огпол гинэ ӧз поталэ протестъёсы. Та выллем ужрадъёс, пе, изъян ваё культуралы но вӧсьлы. Соослы луыса радъясьёс конкурслэн программаысьтыз купальникен ветлонэз куштӥзы. Озьы ке но калык ӧз буйга.

Вожвылъяськонэз чакламын вал Индонезилэн пӧртэм интыосаз ортчытыны, но, калык пумит луэмен, ваньзэ радъялозы Балиын.

Асьме кунмылэсь та конкурсэ мынӥз Кемерово улосысь 18 аресъем Эльмира Абдразакова, ӵапак со туэ вормиз «Мисс России» вожвылъяськонын.

Туспуктэмез: o-shou.com

Удмурт Дунне
By Удмурт Дунне 9 сентября, 2013 16:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<