Шутэтско юр-яр

Удмурт Дунне
By Удмурт Дунне 27 августа, 2013 13:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шутэтско юр-яр

Якшур-Бӧдья ёросысь "Еж йыртэмасьёс" командаысь нылъёс

Якшур-Бӧдья ёросысь «Еж йыртэмасьёс» командаысь нылъёс

«Юр-яр» турслётэ пыриськон понна Николай Смирнов но Вова Вахрушев арня пала команда люканы выризы. Пиос вань. Нош нылъёс уг тырмо. Берпуметӥ нуналъёсы гинэ калык люкаськиз: спортсменэз но, музыкантэз но шедиз. Командамылы «Тузӥ» ним сётӥмы но Эгра музъем пала шонтӥмы.

Ужась егитъёслэн турслётсы 17-тӥ-18-тӥ гудырикошконэ Сэп гуртын ортчиз. Егитъёслэн «Шунды» огазеяськонзы пӧртэм ёросъёсысь дас команда люканы быгатӥз.

Асэнызы тодматыса но кырӟаса, котькуд команда аслэсьтыз аспӧртэмлыко луэмзэ юнматӥз. Куное вуэм «шундыосты» ми, Ижкарысь егитъёс, пыжем куреген утялтӥмы. Кин ӧз веръя, ноку уз тоды: милям, «тузӥослэн», туж ческыт сиёнмы вал. Уго зэмос воргорон, Коля Смирнов, пӧраз!

Огез тунсыкоез ӵошатскон - машина кыскон

Огез тунсыкоез ӵошатскон — машина кыскон

Командаослы турполосаез ортчоно луиз. Татын ньыль пияшъёс но кык нылъёс ӝоглыксэс, визьзэс, шуг-секытъёсты шаплы ортчыны быгатэмзэс возьматӥзы, огъя дас иськем ортчизы. Эшшо кыкез, нылаш но пияш, ориентирование потазы. Татын картаез тодэм-валам тужгес но кулэ вал. Ӝытэз азьланьтӥзы шулдыр концерт но мылкыдэз ӝутӥсь позыръяськон.

Огъя кыл шедьтыны юрттӥз кырӟан

Огъя кыл шедьтыны юрттӥз кырӟан

Турслёт эшъяськон мылкыд вӧлмытӥз. Шунды пуксем бере со тужгес но шӧдӥськиз. Тылскем котыре пуксьыса, егитъёс мылысь-кыдысь вераськизы, кырӟазы. Гитаралэн ненег куараез ӝытбыт чузъяськиз. Нош ӵукна алнашъёслэн задор арганзы вань лагерез сайкатӥз, капчи мылкыд пыӵатӥз.

Ужась егитъёс понна элькун турслёт нырысьсэ радъяськиз. Малпасько, азьланяз но луонлык кылдоз на шутэтскон дырез тазьы ик пайдаё ортчытыны. Таяз аре тужгес но чупыресъёсыз луизы Глаз ёросысь егитъёс. Эскером, кин азьланяз удмурт егитъёс пӧлын чемпион луоз!

Анастасия Тутаева
Туспуктэмъёсыз: vk.com/yuryar

Удмурт Дунне
By Удмурт Дунне 27 августа, 2013 13:22