Кытчы пыре дарт?

Удмурт Дунне
By Удмурт Дунне Август 27, 2013 12:24
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кытчы пыре дарт?

y_2a7206e6«Дарт» газетлы таяз паларе 17 мурт гинэ гожтӥськем. Нош малы сыӵе ичи?

Тросэз егитъёс гуртъёсысь потэмын. Озьыен, школаын дышетскыкузы, соос понна газет-журналъёслы анай-атайзы гожтӥськылӥзы. Нош нылзы-пизы дасьсэ гинэ адӟе, лыдӟе. Ма, куд-огез озьы но сое кияз уг кутылы. Соин ик пӧрме: анай аслыз егитъёслэсь газет-журналзэс басьтэ.

Алнаш ёросэ эше доры ветлыкум, анаез мыным шуэ:

— Мон ведь, нылы, тон понна «Дарт» газетлы гожтӥськи. Тон отчы гожъяськиськод шуыса. Берпуметӥ ӝожтӥськондэ но лыдӟи. Нырысь кышкай, оло, мынам нылы сярысь гожтӥд шуыса. Ӧд ук? Яке мынамез-а диетаын пуке?

Арлыдо лыдӟисьме адӟыса, мон нырысь пайми. Угось ӝожтӥськонъёсме егитъёсты визьман понна гожъясько. Мукет ласянь, тунсыко но потӥз. Ачиз эше гожъямъёсме уг но адӟы, дыр, со сярысь номыр уг поттылы бере, нош анаез… Кӧня ке улыса, лыдӟисе будэтӥз на:

— Нылы городысь бертаку, мон солы удмурт егитъёслэн ужрадъёссы сярысь верасько. Отчы ветлы вал, сое кар шуыса. Яке кызьы таиз ужрад ортчиз, мар сояз тунсыкоез вал шуыса, юасько. Нош со, синъёссэ маке быдӟа ик карыса, шорам долка, тон кытысь ваньзэ тодӥськод, юа.

Та учыр монэ трос малпаськытӥз. Одӥг ласянь, шумпотӥ, мынам но лыдӟисьёсы вань шуыса. Мукет ласянь, кин понна «Дарт» потэ? Малпасько, туэ сое басьто асьсэос егит журналистъёс, отчы гожъясько бере, но соослэн лыдӟисьёссы (ӵемысь со журналистъёслэн ӵыжы-выжыоссы яке эшъёссы). Нош мукетъёсыз егитъёс? Оло, соослы тырме вотэсысь «Дартэз» бугыръяны?

Но вотэсысь но тросэз меда сое лыдӟо? Огъяулонниысь нылъёс толэзьлы огпол модалы сӥзем журналлы сю манетсэс куштыны дась. Но, ӟуч кылынзэ лыдӟытозь, удмуртсэ кутэмзы уг пот шат? Тросэз шуозы: а мар — «Дартын» мода сярысь ичи гожъямын луэ яке воксё номыр ӧвӧл. Но, нылъёс-чеберайёс, малы тӥ ас мылкыдъёстэс, малпанъёстэс редакциын ужасьёслы уд вераське, уд гожтӥське? Газет тӥ понна лэсьтӥське ук. Яке малы модаез валась ныллы аслыз удмурт кылын материал гожтонтэм но редакцие ыстонтэм? Ойдолэ ваньмы ӵош газетэз лэсьтом!

Сазьтӥське — егитъёслы потӥсь газет-журналъёсты анайёсмы лыдӟо! Соин арлыдоос удмурт егитъёслэн улонзы сярысь тросгес но тодо. Оло, ӝоген «Дартэз» но арлыдоос ик лэсьтозы?

Егит дырмес «мон! мон! мон!» шуыса ортчытӥськом но дарт мылкыдмес олокытчы паллянэ лэзиськом. Кӧня ке ар улыса, удмурт газет-журналъёс ворсаськизы ке, соку-а янгышмес валалом?

Лукерья Шихова

Удмурт Дунне
By Удмурт Дунне Август 27, 2013 12:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<