Быги вадьсын — шуд зор

Удмурт Дунне
By Удмурт Дунне Август 9, 2013 15:29

Быги вадьсын — шуд зор

Фин-угор дуннелэн культурая шоркарез - Шаркан ёросын

Фин-угор дуннелэн культурая шоркарез — Шаркан ёросын

Валлян Финляндилэн шоркарысьтыз вуиз шумпотымон ивор: Шаркан ёросысь Быги гурт утӥз «Фин-угор дуннелэн культурая шоркарез» нимез. Вормись шараяськиз, Хельсинкиын ортчем Фин-угор егитъёслэн ассоциацизылэн XI конгрессэз мыныку.

Калыккуспо ӵошатскон-лэн нырысетӥ люкетаз пыриськизы фин-угор дуннеысь 8 интыос. Дунъясьёс котькудзэ котыр ласянь эскеризы: маин калыкез бордазы кыскыны быгатозы, кызьы тодматыны пӧрмытозы асьсэ выжызылэн йылолъёсынызы. Быги сяна, пыриськизы Ханты-Манси округысь черкогурт, Эстониысь Обиница гурт, Мордовиысь Семилей черкогурт, Карелиысь Вешкелица гурт но Комиысь Ыб черкогурт.

Ӵошатсконлэн ныры-сетӥ люкетэз ортчем бере, висъямын вал куинь инты: Удмуртиысь Шаркан ёросысь Быги, Эстониысь Обиница но Карелиысь Вешкелица гуртъёс. МАФУН-лэн конгрессаз быръем дунъясьёс куаразэс сётӥзы быгиос понна! Пусйытэк кельтыны уг луы жюриын тыршемъёслэсь нимъёссэс: МАФУН-лэн президентэз Василий Немечкин, Ханты-Манси округысь Думалэн вице-спикерез Еремей Айпин, Карелиысь крезьгурчи, «Sattuma» фолк-группалэн Арто Ринне, Эстониысь писатель Анне Тюрнпу но Удмуртиысь калык артистка Надежда Уткина.

Удмуртъёс — быгиос — паймытыны быгато ке, быгато ини! Быги муниципал кылдытэтлэн йырыз Нина Беляева ивортэмъя, быгиос мыло-кыдо пырисько кырӟанъя но эктонъя ансамбльёсы. Клубзы — котькинлы адӟем карымон — модельной нимен но пусйиськиз. Озьыен, фин-угор дуннеез паймытыны быгиос пӧрмытозы!

Ӟечкыласьком соосты такем бадӟым вормонэнызы! Табере вож сюрес усьтӥськоз фин-угор дуннеысь тужгес но дано ужрадъёсты-проектъёсты шаерамы пыӵатонлы. Быгиослы сётӥзы пулэсь лэсьтэм тылобурдолэсь пуссэ. Но дунъязы 3 сюрс евро (130 сюрс манетлэсь ятыр) уксё кузьымен.

Быгиосты вормисе потэменызы ӟечкылаз Удмурт Республикалэн Президентэз Александр Волков. Ёрос муниципал кылдытэтлэн йырызлы Александр Прохоровлы но Быги поселенилэн кивалтӥсезлы Нина Беляевалы Президент шуныт кылъёсын телеграмма ыстӥз. А. Волков та удмурт гуртэн данъяськемзэ вераз, вылӥ дунъяз отысь ужез яратӥсь, кырӟаны-вераны быгатӥсь калыкез. Фин-угор дуннеын тодмо луэмзы юрттоз удмурт гуртэ тросгес туристъёсты ӧтьыны.

Елена Никитина
Туспуктӥз Владимир Беломорских

Удмурт Дунне
By Удмурт Дунне Август 9, 2013 15:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<